49
Jiuda wiimiiseyana ikabi
Wasina bi Jeikap natunatuna ikwatuvedi sipiika touna biidi, bi ivimiiseyedi iwonedi da raghani muriye awaki beradi sinatubugha toudi biiyadi. Bi natuna Jiuda mma naboni iwoneni:
8 “Jiuda, warewaresim sinakabepepim da sinapepetem, basuna kam aviya kanighodiye kwayouna da kwageiwayidi.
9 Tam ware laiyon natuna, tam kunimaragata da wawaya kunibadedi. Bi ware laiyon meko kana iyuwa yaburavi yakani, bi yaveramagha yakenayowogha da yiyawiitaveyana. Bi iiyabo rubana inanagho da inakasiwiimataki? Getana da iiyabo!
10 Bi Yawe God yana wiikiiwawo matakirina dighonina, na Jiuda imane inamake bi nosinosina nonowa sinibada patana da iiyabo noko wiibadana rapene inapiika na dam tupadi sinakabikuwayeni.”
33 Raghanina Jeikap natunatuna iwonawiiyoyowanedi ikovi, na kayena itourageegeeyana yana kenakena gawarine bi ikenayowogha. Da yawiina itavena tughureni bi irabobo.
Jeikap bodu yadi 17 Ijipt kamone imakae, bi yana yawa bodudi tupana na 147.