50
Yawe God yana tamariyana kabikabisisirina
4 Yawe God iviyevevegu da metagha anisisiya,
da tagu wawaya amameyanidi anawonawiitoratoradi.
Didibara patepatena na yakasiwiimatakigu,
bi tainagu yakimobubu
da awaki iniyevevegu na anawaiyanedi ware giruma ededa.
5 Yawe God tainagu ikimobubu
na geayiaviyeni bo ayamiiri kubutenina.
6 Tagu kubukiigu avereyana da wawaya sirouvi,
bi nawanawagu avereyana da kagu mudukoro sitayinaraguragu.
Bi raghanina siyiinamayegu da siyakanukanugu,
na mayiyigu geayikowoyina.
7 Bi gegha da Yawe God iviwiitegu
na gesinakitayowoyeguna.
Noko biidi tagu iitepatora,
bi akovi da yagu kabikwarakwara sinimayagha geinavereguna.
8 God na ririguve bi iwonayaragha
da tagu getana awaki ayabera berona.
Iiyabo teya kanikawakereyana?
Piika, tani sisiya patapata.
Iiyabo yiwawugu?
Touna iyamiiririya da yana wiiwawu iyawonegu.
9 Kita, Yawe God na yagu nawae da yiwiitegu;
Iiyabo inawona da tagu bera berona abera?
Kagu wiiwawu wawayidi tupadi na sinamomogha
ware gara katamanidi beba sakamna naboni.