54
Yawe God, Isrel damdi ivinuwayuyunedi
5 Kam berabera wawayina na ware moghanem naboni
bi kana waghawagha na Yawe God Maragata Kirakiina.
Isrel kana God kabikabikuwayina iniyawiimi,
touna wawaya sakwatuveni da “Kubura tupana tumtumpipinina kana God.”
6 Isrel, tam na ware wasike katotawota inayina naboni
da moghanena iwonasinighiiyeni bi ikuyoveni na wasikena iyiinuwapoya kirakii.
Bi gegha da Yawe God ikwatuwiiveramayim touna biidi bi iwona bo,
7 “Raghani tupona kiiravine akuyovem,
bi wiinuwanuwaghaneyana ghamana teya na anakabimayem.
8 Nuwanuwagu ipughu kirakii na raghani tupona amiirikubutem
bi nuwayuyuna makewaghawaghasina teya, na yagu nuwamiise aniyevevem.”
Nokona metagha Yawe God kambabara wawayina iwona.
9 “Nowa iyamakamake raghanine na avisuwona
da gemuriye kutukutuwa noko naboni kubura debane yawa iyibero mayeni,
na kata iisuwonem da gemuriye nuwanuwagu inapughu tam biidi
bi geanawonaghakiyemna.
10 Bagune meboda koya kiidamo sinanaghotaveyana
da koyanuwa sinamomogha,
bi gegha da yagu nuwamonika tam kiiravimve na gemeyani inakovina,
bi wiisuwona abera da nuwaruriri ayapiikeni tam kiiravimve na inamakewaghata.”
Nokona metagha Yawe God iiyabo ivinuwanuwaghanemna iwona.