64
Pari God yana wiinuwanuwaghana kiiravine
4 Naghove, naghove waghata
getana iiyabo iyawaiyana da God tana meme tam naboni,
bo wawaya getana God tam naboni iyakita towoyina!
Iiyabo yiwiita da iiyawogha siyitumaghanem na kiiravidiye.
5 Raghanina wawaya nuwamiimiiseye bera miisedi saberabera,
bi yam keda rotomanidi sakivikivina, na kwiiwiitedi.
Tam nuwanuwam ipughu toumii biiyadi,
bi gegha da toumii patana raghani gurina bera berona kaya berabera.
Metagha wawaya toumii naboni, rubana kuniyawiimii?
6 Yama tamumu saberaberamii da tam matamve na toumii dadabumii.
Bagune raghanina kiimatipo da bera miisedi kayabera,
bi gegha da matam kamone na nokodi bera na
ware gara dadabudi tamogosigosiridi naboni.
Bi yama tamumu kiiravine na toumii kakanakana,
ware rugurugu mekodi sipokina naboni
da yama tamumu sakabitavemii ware yanunu rugurugu yatapi karuvedi sanaghotaveyana naboni.
7 Bi getana iiyabo tam biidi iyarurupari,
bo iyapiipiika tam biidi wiiwiita kiiravine iyibabana,
basuna tam kumiiri kubutemii,
na kubera da yama tamumu siviberomii.
8 Bi gegha da Yawe God tamna tamamiinaki.
Toumii na ware nau kana dobodobo naboni,
bi tam na berabera wawayim.
Tam imamma toumii tupamii kuberamii.
9 Na genuwanuwam inapughu kirakii toumii biiyadi,
bi gegha yama tamumu kunanoghota wiikarukaruvenina.
Kita! Toumii tupamii na tam yam wawaya,
na kinuwanuwaghanemii.