3
Wiiturana suwarina
1 Yawe God iwona magha bo, “Meboda kau kunapuyo naboni wiiturana suwarina, na noko makina bo yagarina bi takutakukuna getana berona gwabinena.
2 Bi Kiregoru Kabikabikuwayina matamketana naghone, imam ribiribina gayamina debane kutore bi kunakasunuyi. Bi Eron natunatuna toudi na prist ribiribina ganiganina sinakabi da suwara gabugabuna gawarina yadi nawanawana 4 sineburidi.
3-4 Bi dim kamonama nanara tupadi, da kubupisipisika yadi bata ere nanaridi da katekate gerena kuyouna bi kusuwara. Bi prist wiiturana puyonama mmkodi dimdima inasuwara naboni kam suwarina Yawe God biidi.
5 Wasina bi Eron natunatuna suwara gabugabunidi debane sinatoura bi sinagibu wiikapu. Mmkona kam suwarina, bi ghabuna na iwaratete kirakii Yawe God biidi.”
Noko wawayina iiyabo ribiribi rapene na yana rakaraka da turaturana yawata ribiribina iyuvina sinakani. Mmkodi na Yawe God yana sisiya kau kiiravine. Sisiyidi mayimayiyidi ivisisiya sip bo gout sapuyo naboni wiiturana suwarina kiiravine.