120
Maná cha prébkárán berakkén
Dém pa Urshalimá borzád rawagay sawté.
1 Wati sakki o sóriáni wahdá man gón Hodáwandá peryát kort o
áiá maná passaw dát.
2 “Oo Hodáwand!
Maná cha drógbandén lonth o prébkárén dapán berakkén.”
3 Oo prébkárén dap!
Hodáwand tará ché bedant o
ched o gésh gón taw ché bekant?
4 Tará gón jangóláni tézén tir o
gón rókén eshkarán sezá dant.
5 Apsóz pa man ke Méshékay molká neshtagán,
ke man Kédaray gedánán jahmenend án.
6 Man gón choshén mardomán zend gwázenagá dam bortag ke
cha sohl o émeniá naprata kanant.
7 Sohl o émeni pasondén mardomé án
bale har wahdá ke habaré kanán, é jangá páda káyant.