123
Chammán dém pa taw chesta kanán
dém pa Urshalimá borzád rawagay sawté.
1 Wati chammán dém pa taw chesta kanán,
taw ke arshá, wati bádsháhi tahtay sará neshtagay.
2 Anchó ke goláméay chamm wati wájahay dastá sakk ant o
móledéay chamm wati bánoká
may chamm Hodáwandén Hodáyá sakk ant
ke may sará rahm bekant.
3 May sará rahm kan, oo Hodáwand!
Rahm kan may sará,
ke má sakk báz béezzati saggetag,
4 Ásudagén mardománi rishkand o
porkebráni kalág
márá pa sarjamiá rasetag.