125
Hodáwandá wati kawmay chapp o chágerd geptag
Dém pa Urshalimá borzád rawagay sawté.
1 Á ke Hodáwanday sará tawkala kanant
Sahyunay kóhay paymá ant
ke sorénaga nabit o tán abad barjáh mánit.
2 Anchosh ke kóhán, Urshalim chapp o chágerd kortag,
Hodáwandá wati kawmay chapp o chágerd geptag,
annun o tán abad.
3 Badkárén bádsháhéay asá pahrézkáráni mirásay sará hokmrána nabit
ke pahrézkár wati dastá pa badkári sell makanant.
4 Oo Hodáwand! Pa nékdelán néki kan
pa hamáyán ke delesh rást o tachk ant.
5 Bale hamá mardom ke chapp o chóthén ráhána rawant,
Hodáwand áyán gón badkárán yakjáha gallénit.
Esráil émen o salámat bát.