127
Agan Hodáwand lógá mabandit...
Dém pa Urshalimá borzád rawagay sawté. Solaymánay Zabur.
1 Agan Hodáwand lógá mabandit,
bánbandáni zahmat békár ent.
Agan Hodáwand, shahray negahpániá makant,
nehgahpánáni negahpáni békár ent.
2 Tai, sohbá máhallah pád áyag o
shapá tán dérá ágah bayag békár ent.
Zahmata kasshay ke tará pa waragá nán berasit,
á ke Hodáyá dóst ant, agan wáb bebant ham
Hodá é chizzán áyáná dant.
3 Chokk cha Hodáwanday némagá mirás ant o
padréch cha hamáiay némagá mozz.
4 Warnáiá áwortagén mardénchokk
anchosh ant ke jangóléay dastá tir.
5 Bahtáwar hamá mard ent ke tirdáni cha chokká porr ent.
Wahdé choshén mardomé shahray darwázagá gón dozhmená dém pa déma bit
hechbar pashal o sharmendaga nabit.