129
Maná ázáresh dátag
Dém pa Urshalimá borzád rawagay sawté.
1 “Áyán maná cha warnáiá sakk báz ázár dátag,”
Esráil begwashát:
2 “Maná cha warnáiá sakk báz ázáresh dátag
bale maná chérdastesh kort nakortag.
3 Nangár kanókán mani srén nangár kortag o
pal dráj kortagant.
4 Bale Hodáwand ádel ent,
badkáráni zamzili sestant o maná ázáti kort.”
5 Hamá ke cha Sahyuná naprata kanant,
sharmsár bát o poshtá bekenzátant.
6 Chó bánáni saray káhá bátant
ke cha rodagá pésar hoshka bit,
7 ke ronókay panjagay porré nabit,
chenókay bagalá porra nakant.
8 Rahgwazé ham pa áyán nékdwai makanát o magwashát:
“Hodáwand shomárá barkat bedayát,
má Hodáwanday námá shomárá barkata dayén.”