131
Nonnokéay paymá árám geptagán
Dém pa Urshalimá borzád rawagay sawté. Dáuday zabur.
1 Oo Hodáwand! Mani del gorunák naent o
na ke mani chamm porkebr ant.
Gón mazanén kárán delgósha nabán o
na gón á kárán ke mani delá bákamál ant.
2 Man watá chopp o árám kortag
cha shirá sestagén nonnokéay paymá
ke mátay kotthá ent.
Haw, mani arwáh cha shirá sestagén nonnokéay paymá árám geptag.
3 Oo Esráil! Ométá pa Hodáwandá bedár,
annun o tán abad.