150
Har sahdár Hodáwandá satá bekanát
1 Hodáwandá benázénét, Halléluyá.
Hodáyá áiay pákén arshá satá kanét,
áiay zór o wákay ásmánán.
2 Pa áiay porwákén kárán áiá satá kanét,
pa áiay kámelén mazaniá áiá satá kanét.
3 Áiá gón sornáay tawárá satá kanét,
gón soróz o changán satái kanét.
4 Áiá gón zháng o nách satá kanét,
gón simmi sázán o nalá satái kanét.
5 Áiá gón dhohlán satá kanét,
gón borztawárén dhohlán.
6 Har chizzá ke sáh mán, Hodáwandá satá bekanát.
Hodáwandá benázénét, Halléluyá.