Tai Dam 2 Dô‑ꞌhăn 1

Baư sư thứ song ꞌmá té ꞌtan Dô‑ꞌhăn

1 Khỏi pên phủ thảu, so tẻm sư ꞌmá tham kháo ha ꞌếm pả phủ Chảu Pua ꞌPhạ đảy ꞌlưạk#ꞌvạy, ꞌtếng#cá ꞌlụk tảu ꞌếm pả khỏi ꞌhặc#ꞌtẹ, báu#ꞌmen ꞌto khỏi phủ#điêu, ꞌtếng#cá ꞌpi ꞌnọng phủ ꞌhụ ꞌluống ꞌtáng ꞌmen ꞌtẹ ꞌcọ ꞌhặc ꞌsướng#điêu, 2 ꞌdọn#ꞌva ꞌsúm ꞌháu cứ chaư mẳn ꞌtoi ꞌluống ꞌtáng ꞌmen#ꞌtẹ, ꞌluống ꞌtáng ꞌnặn ꞌchí dú nẳng ꞌháu ꞌlới#ꞌlới. 3 Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt phủ pên ꞌLụk ꞌchái Chảu ꞌPo#ꞌnặn, ꞌchí phớng ꞌdứa công ꞌphún hảư ꞌsúm#ꞌháu, ꞌchí ín đu ꞌhặc#au, ꞌchí hảư ꞌháu dú súc sáng bang#chaư, ꞌpưa ꞌháu kin dú ꞌtoi ꞌluống ꞌtáng ꞌmen ꞌtẹ kéng ꞌmí chaư#ꞌhặc.

4 Khỏi ꞌmuôn chaư lai ꞌpưa đảy ꞌhụ#ꞌva ꞌpứng ꞌlụk pả ꞌmí ꞌsán ꞌcốn kin dú ꞌtoi ꞌluống ꞌtáng ꞌmen#ꞌtẹ, ꞌtoi ꞌquám Chảu Pua ꞌPhạ phủ pên ꞌPo đảy sắng ꞌsúm ꞌháu ꞌvạy#ꞌnặn. 5 ꞌẾm pả ꞌhặc#ꞌpéng, ꞌkhạy khỏi tẻm sư ꞌmá#ꞌnị, báu#ꞌmen ꞌquám bók#máư, ꞌmen ꞌquám bók ꞌlớng đảy ꞌnghín té cón ꞌmá#ꞌlẹo, so hảư ꞌsúm ꞌháu ꞌhặc#căn. 6 ꞌVa ꞌháu kin dú ꞌtoi ꞌquám sắng Chảu Pua#ꞌPhạ, ꞌcọ mai#ꞌva ꞌháu ꞌmí chaư ꞌhặc#ꞌtẹ. ꞌSướng ꞌpi ꞌnọng đảy ꞌnghín té cón ꞌmá#ꞌnặn, Chảu Pua ꞌPhạ đảy sắng ꞌpi ꞌnọng hảư kin dú ꞌtoi chaư#ꞌhặc.

ꞌChự hiêm phủ bók son ꞌluống phít

7 ꞌMí lai ꞌcốn bẻo ꞌlứa đảy pay páo nẳng ꞌmướng ꞌlum#ꞌlẹo, sau báu nhẳn#ꞌva Chảu ꞌGiê‑ꞌsu ꞌKha‑ꞌlịt đảy ꞌmá pên phủ#ꞌcốn. ꞌPứng ꞌcốn ꞌsướng ꞌnặn pên phủ bẻo ꞌlứa khắt ꞌchắng Chảu ꞌKha‑ꞌlịt. 8 ꞌSướng ꞌnặn hảư ꞌpi ꞌnọng ꞌchự#hiêm, chắng ꞌchí báu sia ꞌviạk ꞌsúm khỏi đảy páo ꞌmá#ꞌnặn, hák ꞌchí đảy sưởng no#ꞌpó. 9 Phủ đaư báu#cứ ꞌtoi ꞌquám bók son ꞌviạk Chảu ꞌKha‑ꞌlịt, hák pỉn sia ꞌquám bók son#ꞌnặn, ꞌcọ ꞌmen#ꞌva phủ ꞌnặn báu#đảy dú cuông ꞌhôm ꞌngáu Chảu Pua#ꞌPhạ. Phủ đaư cứ ꞌtoi ꞌquám bók son ꞌviạk Chảu ꞌKha‑ꞌlịt, ꞌcọ ꞌmen#ꞌva phủ ꞌnặn đảy dú cuông ꞌhôm ꞌngáu Chảu Pua ꞌPhạ phủ pên#ꞌPo ꞌtếng#cá Chảu ꞌGiê‑ꞌsu ꞌKha‑ꞌlịt phủ pên#ꞌLụk. 10 ꞌMí phủ đaư ꞌmá bók son ꞌpi#ꞌnọng, báu#ꞌmen ꞌquám bók son ꞌviạk Chảu ꞌKha‑ꞌlịt, lỏ#ꞌnhá tỏn ꞌmắn khảu ꞌhướn kéng ꞌnhá ꞌtặc ꞌcháo#ꞌmắn. 11 Phủ đaư ꞌtặc ꞌcháo#ꞌmắn, ꞌcọ pên#ꞌva phủ ꞌnặn ꞌhuôm ꞌviạk ác ꞌhại ꞌsướng#ꞌmắn.

12 Khỏi ꞌnhắng ꞌmí lai ꞌnéo é tẻm ha ꞌpi#ꞌnọng, hák báu#é tẻm#lai, ꞌpưa khỏi pháư ꞌmón ꞌchí ꞌmá dam ꞌpi#ꞌnọng, chắng ꞌchí đảy ổ ꞌtố tó nả tó ta#căn, ꞌlẹo ꞌsúm ꞌháu ꞌchí đảy ꞌmuôn ꞌmớng ꞌpó#chaư.

13 ꞌNọng ꞌnhính pả phủ Chảu Pua ꞌPhạ đảy ꞌlưạk ꞌvạy#ꞌnặn, ꞌpứng ꞌlụk ꞌmắn ꞌcọ tham kháo ha ꞌếm#pả.