ཐེ་སཱ་ལོ་ནེ་ཀེ་པ་དང་པོའི་ངོ་སྤྲོད་ལ་གཟིགས་རོགས།

ཐེ་སཱ་ལོ་ནེ་ཀེ་པའི་འཕྲིན་ཡིག་གཉིས་པ་ནི་འཕྲིན་ཡིག་དང་པོ་དང་འདྲ་བས། འདི་ནི་འཕྲིན་ཡིག་དང་པོའི་རྗེས་སུ་བྲིས་པ་ཡིན་པར་འདོད་ལ། སྤྱི་ལོ་51ལོའམ་ཡང་ན་སྤྱི་ལོ་52ལོའི་ཡས་མས་སུ་ཡི་གེར་བཀོད་པ་ཡིན།

ཐེ་སཱ་ལོ་ནེ་ཀེ་པའི་འཕྲིན་ཡིག་དང་པོ་དང་མཚུངས་པར་འཕྲིན་ཡིག་འདི་ལས་ཀྱང་དུས་ཀྱི་མཐའ་མའི་སྐོར་གྱི་བརྗོད་གཞི་འབུར་དུ་བཏོད་ཡོད། ཐེ་སཱ་ལོ་ནེ་ཀེ་པ་གཉིས་པ་ལ་ཁྱོན་བསྡོམས་ཚིག་རྐང་ཞེ་བདུན་ཡོད་པ་དང་། དེ་ལས་ཚིག་རྐང་བཅོ་བརྒྱད་ཀྱི་ནང་དུ་དུས་ཀྱི་མཐའ་མའི་སྐོར་གསུངས་ཡོད་པ་རེད། མི་ལ་ལས་ཕོལ་ལོལ་གྱི་སྐད་ཆ་ལ་གོ་བ་ལོག་པར་བླངས་ནས་སྐྱབས་མགོན་ཡེ་ཤུ་མྱུར་དུ་འབྱོན་པར་ཐེ་ཚོམ་མེད་སྙམ་སྟེ། ལས་ཀ་མཚམས་བཞག་ནས་སྐྱབས་མགོན་ཡེ་ཤུ་ཕྱིར་ཕེབས་པར་བསྒུགས་པ་རེད། དེ་བས་ཕོལ་ལོལ་གྱིས་གོ་བ་ལོག་པར་ལེན་མཁན་རྣམས་ལ་ཁ་ཏ་སློབ་གསོའི་འཕྲིན་ཡིག་འདི་བྲིས་པ་རེད།

1. ཁམས་འདྲི་གནང་བ་དང་བཀའ་དྲིན་ཞུ་བ། གསོལ་བ་འདེབས་པ་བཅས་ཀྱི་སྐོར། ༼1:1-12༽

2. སྐྱབས་མགོན་ཡེ་ཤུ་ཕྱིར་ཕེབས་པ་དང་ཡེ་ཤུའི་ཆོས་ལུགས་པའི་སྤྱོད་ལམ་སྐོར་གྱི་གདམས་ངག ༼2:1-17༽

3. གཞན་གྱི་ཚབ་ཏུ་གསོལ་བ་འདེབས་པ་དང་ལེ་ལོ་ཅན་ལ་སྐུལ་མ་གནང་བ། ༼3:1-15༽

4. མཇུག་མཐའི་སྨོན་ལམ། ༼3:16-18༽