གསུང་མགུར་གཉིས༌པ།
དཀོན་མཆོག་གིས་བདམས་པའི་རྒྱལ་པོ།
1 ཕྱི་ཕྱོགས་པ་རྣམས་ཁོང་ཁྲོ་ཅི་ལ༌ལངས། །མི་རྣམས་དོན་མེད་ཇུས་ངན་ཅི་ལ༌བཤམས།།
2 ཡ་ཝཱེ་དང་ནི་ཁོང་གིས་བྱུགས་པ༌ལ། །ས་གཞིའི་རྒྱལ་པོ་རྣམས་ནི་རྒོལ་བར༌བྱེད། །བློན་ཆེན་རྣམས་ནི་འདུས་ནས་གྲོས་འདེབས༌ཤིང༌།།
3 ཤོག་དང་ང་ཚོས་ཁོང་གི་འཆིང་ཐག༌གཅོད། །ཁོང་གི་ཐག་པ་རྣམས་ནི་གཡུག་ཅེས༌ཟེར།།
4 ནམ་མཁར་བཞུགས་པ་ཁོང་ཉིད་བཞད་པར༌འགྱུར། །གཙོ་བོས་མི་བུ་དེ་རྣམས་སྨད་པར༌མཛད།།
5 དེའི་དུས་ཁྲོས་ཤིང་ཁོ་ཚོར་གསུང་གླེང༌མཛད། །ཁྲོ་གཏུམ་དང་བཅས་ཁོ་རྣམས་དངངས་པར་བྱ།།
6 བདག་གི་རི་བོ་དམ་པ་ཛ་ཡན༌སྟེང༌། །བདག་གིས་རང་གི་རྒྱལ་པོ་བསྐོས་ ཞེས༌གསུངས།།
7 བཀའ་བསྩལ་དེ་ནི་ང་ཡིས་སྒྲོག་པར༌བྱ། །ཡ་ཝཱེས་ང་ལ་འདི་སྐད་གསུངས་པ༌སྟེ། །ཁྱོད་ནི་ངའི་སྲས་དེ་རིང་བདག་ལ་འཁྲུངས།།
8 བདག་ལ་ཞུས་དང་བདག་གིས་མི་རིགས༌རྣམས། །ཁྱོད་ཀྱི་ནོར་སྐལ་དུ་ནི་ངས་གནང༌ཞིང༌། །ས་གཞི་ཡོངས་སུ་ཁྱོད་ལ་དབང་བར༌མཛད།།
9 ལྕགས་ཀྱི་དབྱུག་པས་ཁྱོད་ཀྱིས་དེ་རྣམས༌གཅག །རྫ་ཆས་ནང་བཞིན་དེ་རྣམས་དུམ་བུར༌གཅག།
10 དེའི་ཕྱིར་རྒྱལ་པོ་ཁྱེད་རྣམས་མཁས་པར༌མཛོད། །ས་གཞིའི་ཁྲིམས་དཔོན་ཁྱེད་ཚོས་གདམས་ངག༌ལོངས།།
11 ཡ་ཝཱེར་གུས་ཤིང་འཇིགས་པས་ཞབས་ཕྱི༌སྒྲུབས། །སྐྲག་འདར་དང་བཅས་དགའ་མགུ་རངས་པར༌གྱིས།།
12 སྲས་ཀྱི་ཐུགས་ཁྲོ་མྱུར་དུ་འབར་འོང༌ཞིང༌། །ཁྱོད་རྣམས་ལམ་ཁར་མེད་པར་མི་མཛད༌ཕྱིར། །ཁྱོད་ཚོས་ཁོང་གི་ཞབས་ལ་མཆུ་སྒྲོས༌གློན། །ཁོང་ལ་སྐྱབས་སུ་འགྲོ་བ་ཀུན༌ནི་བདེ།།