121
Tamo Koba a na iga taqatgeqnu
E mana kalil koqyoqnsim endegsi nenemeqnum, “Ijo aqaryaibo tamo a qabe na bqas?” E marqai. Tamo Koba Qotei laŋ ti mandam ti gereiyej qaji a segi na e aqaryaibeqnu. O tamo, ni que. Qotei a qambumtosaieqnu deqa a na ni geregere taqatmqas. A degyqas deqa ni aqa gam bole uratqa keresai. A na Israel naŋgi geregere taqatnjreqnu. A qambumtosaieqnu. Sai bole sai. Tamo Koba Qotei a ino jojomq di tigelesosiqa ni waburtmoqnsiqa taqatmeqnu. Deqa seŋ na ni qanam koitmqa keresai. Bai na dego ni qolo ugetmqa keresai. Tamo Koba Qotei a na ni taqatmimqa ni ŋambile sqam. Deqa gulbe bei na ni ugetmqa keresai. Ni ino tal uratosim walwelosim olo ino talq boqnim Tamo Koba Qotei a na ni taqatmoqnqas. Bati endeqa ti bunuq qa ti a na ni taqatmoqnqas.