124
Qotei na aqa segi tamo uŋgasari naŋgi aqaryainjreqnu
1 E marem, “Tamo Koba Qotei na iga betergosai qamu iga bole sqa keresai qamu.” E degsi marem deqa Israel naŋgi kamba marqab,
2-3 “Od. Nami jeu tamo naŋgi na iga qoto itgoqneb. Bati deqa Tamo Koba Qotei na iga betergosai qamu naŋgi iga qa minjiŋ oqetnjrnaqa iga padaltgeb qamu.
4 Qotei na iga betergosai qamu iga torei loumem qamu. Ya dosim tamo naŋgi osim aiqas dego kere.
5 Qotei na iga betergosai qamu iga moreŋem qamu. Ya koba dosim tamo naŋgi kabutnjrqas dego kere.” Israel naŋgi kamba degsib marqab.
6-7 Tamo Koba Qotei na jeu tamo naŋgi saidnjrej deqa naŋgi na iga kobotgosai. Iga naŋgo baŋq na jaraiyem. Kakaŋ a braŋamqa qebari a kakaŋ uratosim ulaŋqas dego kere. Qotei na iga degsi aqaryaigej deqa iga aqa ñam soqtqom.
8 Tamo Koba Qotei laŋ ti mandam ti gereiyej qaji a aqa segi ñam na iga aqaryaigeqnu.