127
Qotei na iga boletgeqnu
1 Tamo Koba Qotei a na tal gereiyqasai di tal gereiyo tamo naŋgi laŋa wauqab. Qotei na qure taqatqasai di qure taqato tamo naŋgi laŋa qure taqatqab.
2 Qotei na gago iŋgi wau boletqasai di iga laŋa nobqolo ambru tigelosim waukobaoqnim bilaqtoqnqas. Od, iga ŋes na ti jaqatiŋ na ti laŋa wauqom. Ariya tamo uŋgasari Qotei na qalaqalainjreqnu qaji naŋgi waueqnabqa a na naŋgo iŋgi wau boletoqnsiqa naŋgi aqarato enjreqnu.
3 Tamo Koba Qotei a na iga aŋgro egeqnu. Aŋgro naŋgi di gago awai boledamu bul.
4 Tamo siŋgila bole a na aŋgro mel ŋambabtnjrqas di naŋgi qoto tamo aqa qaja bul sosib gaigai naŋgo abu beteryoqnqab.
5 Tamo a aŋgro mel gargekoba oqas di a tulaŋ areboleboleiyqas. Jeu tamo naŋgi aqa jejamuq di une qametibqa a na anjam pegiyo sawaq dia naŋgi buŋnjrqas. Deqa a jemaiyqasai.