130
Tamo a Qotei na aqaryaiyqajqa deqa pailyeqnu
1 O Tamo Koba Qotei, e are tulaŋ gulbeibeqnu deqa e ni pailmeqnum.
2 O Tamo Koba, e ni pailmitqa ni ino dabkala waqtosim ijo kakro qusim e aqaryaibime.
3-4 Ni na gago une kobotetgeqnum deqa iga ni biŋimeqnum. Iga qalie, ni gago une qa are qalosaieqnum. Ni gago une kobotetgosai qamu iga ino pegiyo bati buŋyqa keresai qamu.
5 E Tamo Koba Qotei aqa anjam qa ijo areqalo siŋgilatoqnsim a na e aqaryaibqajqa deqa tariŋeqnum.
6 Qure taqato tamo naŋgi suwaŋ qa tariŋeqnub. Ariya e na naŋgi tulaŋ buŋnjrsim ijo are miligi kalil Tamo Koba Qotei yekritoqnsim a qa tariŋeqnum.
7-8 O Israel tamo uŋgasari, niŋgi Tamo Koba Qotei qa nuŋgo areqalo siŋgilatoqniy. Niŋgi degyqab di a na niŋgi eleŋosim nuŋgo une kalil kobotetŋgwas. Niŋgi qalie, Tamo Koba a na gaigai niŋgi qalaqalaiŋgeqnu. Niŋgi padalaib deqa a na niŋgi torei eleŋqas.