23
Tamo Koba Qotei a na e taqatbeqnu
1 Tamo Koba Qotei a kaja naŋgo taqato tamo bul sosiqa e taqatbeqnu. Deqa e iŋgi bei qa truquqasai.
2 A na e taqatbeqnu deqa e ñiŋ boledamuq di ŋeioqnsim aqarateqnum. A na e babaŋboqnsiqa ya kiñala qalaq di e ateqnaqa e ya uyeqnum.
3 A na e siŋgila bunuj eboqnsiqa gam bole osorbeqnu. A aqa segi ñam qa are qaloqnsiqa degyeqnu.
4 O Abu Qotei, e sawa ambru tulaŋ ugedamuq di walweleqnum di uŋgum. E gulbe bei qa ulaqasai. Di kiyaqa? Ni e ombla unum deqa. Ni kaja naŋgo taqato tamo naŋgo toqoŋ ojobuleqnum. Toqoŋ dena ni na e taqatbeqnum deqa e are laejunum.
5 Ni ijo jeu tamo naŋgo ŋamgalaq di iŋgi uyo boledamu gereiyoqnsim iŋgi di e anaiboqnsim e ombla awoeqnum. Ni na goreŋ ijo gateq di bilenteqnum. Wain gambaŋ a tulaŋ maqejunu dego kere. Kumbra dena ni na e tulaŋ boletbeqnum.
6 O Tamo Koba Qotei, e qalie, bati kalil e sqai di ni na e kumbra bole eboqnsim qalaqalaiboqnqam. Deqa e ino talq di bati gaigai sqai.