67
Tamo naŋgi louoqnsibqa Qotei qa areboleboleinjreqnu
1 O Abu Qotei, ni iga qa are boleimimqa iga boletgime. Ni ino ulatamu na iga suwantgime.
2 Ni degyqam di tamo uŋgasari kalil mandamq endi unub qaji naŋgi ino kumbra bole kalil qa geregere qalieqab. Od, sawa bei bei qaji naŋgi endegsi poinjrqas, ni naŋgi padalo sawaq na eleŋqa kere.
3 O Abu Qotei, ijo areqalo agiende. Tamo uŋgasari kalil naŋgi ino ñam soqtoqnebe.
4 Ni kumbra tiŋtiŋ na sawa bei bei qaji naŋgi peginjroqnsim naŋgi gam bole osornjreqnum. Deqa naŋgi areboleboleinjrim lou tuoqnebe.
5 O Abu Qotei, ijo areqalo agiende. Tamo uŋgasari kalil naŋgi ino ñam soqtoqnebe.
6 Mandamq endia iŋgi bole bole oqoqnsiq melieqnu. Gago Qotei na iga tulaŋ boletgeqnu.
7 Od, Qotei na iga boletgoqnqas. Deqa tamo uŋgasari kalil sawa bei beiq di unub qaji naŋgi aqa sorgomq di soqnebe.