10
Nↄee buiↄ
(1Lad 1.5-23)
Nↄee nɛgↄ̃ɛↄ Sɛũ ń Haũo ń Yafɛtio ń ń nɛgↄ̃ɛ pↄ́ aa ì í daa dṹniaa gbɛaↄ yã́n kɛ: Yafɛti nɛgↄ̃ɛↄ tↄ́n kɛ: Gomɛɛ, Magↄgu, Mɛdɛ, Gɛlɛsi, Tubali, Mɛsɛki ń Tilasio. Gomɛɛ nɛgↄ̃ɛↄ tↄ́n kɛ: Asɛnazi, Lifa, Tↄgaama. Gɛlɛsi nɛgↄ̃ɛↄ tↄ́n kɛ: Ɛlisa, Taasisi, Sipi, Lodani. Buipiↄ mɛ́ lìgua ísiagɛɛwa, aa kↄ̃kpaalɛ̀ bùsu ń bùsuo, bui ń buio daɛdaɛ, baade ń a buiyão.
Haũ nɛgↄ̃ɛↄ tↄ́n kɛ: Etiopi, Egipi, Libii, Kanaa. Etiopi nɛgↄ̃ɛↄ tↄ́n kɛ: Saba, Avila, Sabata, Laama ń Sabatɛkao. Laama nɛgↄ̃ɛↄn Seba ń Dedão ũ. Niũlodiá Etiopi buiɛ lↄ. Ɔ̃mɛ dṹnia nɛgↄ̃n tↄde sɛ̃́ia ũ. A dɛ Diiɛ toensa ũ. A yã́i tò wì mɛ: Lán Niũlodi dɛ toensa ũ Diiɛwa. 10 Babiloni bùsu pↄ́ à kiblèwà káau mɛɛwiaↄn Babɛli ń Ɛlɛkio ń Akadio ń Kalenↄo. 11 Bↄa we à gɛ̀ Asili bùsuu, ↄ̃ à Niniva kàlɛ ń Leobotiio ń Kalao 12 ń Lɛsɛ̃ pↄ́ kú Niniva zãnguo ń Kala pↄ́ dɛ mɛɛwia zↄ̃ↄ ũo.
13 Egipi buiↄn kɛ: Ludi buiↄ, Anaũ buiↄ, Lɛaba buiↄ, Nafɛtu buiↄ, 14 Patusi buiↄ, Kasulu buiↄ, Kɛlɛti bui pↄ́ Filitɛ̃ↄ bↄ̀ ń guuↄ.
15 Kanaa nɛgↄ̃ɛ sɛ̃́ia Sidↄ̃ buiↄn kɛ: Iti buiↄ, 16 Yebusi buiↄ, Amↄle buiↄ, Giigasi buiↄ, 17 Ivi buiↄ, Aaka buiↄ, Sini buiↄ, 18 Aavadi buiↄ, Zɛmali buiↄ, Amata buiↄ. Kanaa buipiↄ lìgua gbɛzãɛ, 19 an bùsu zɛlɛn kɛ: Bↄa za Sidↄ̃ gɛa Gelaa pↄ́ kú Gaza saɛ e Sↄdↄũ ń Gↄmↄↄo ń Ademao ń Zeboiũ pↄ́ kú Lasa saɛo. 20 Haũ nɛgↄ̃ɛↄn we bui ń buio, bùsu ń bùsuo daɛdaɛ, baade ń a buiyão.
21 Yafɛti dãuna Sɛũ buikɛ̀ lↄ. Ɔ̃mɛ Ɛbɛlu buiↄ dezi káau ũ. 22 Sɛũ nɛgↄ̃ɛↄ tↄ́n kɛ: Elaũ, Asili, Aapasa, Ludi, Alaũ. 23 Alaũ nɛgↄ̃ɛↄ tↄ́n kɛ: Uzu, Hulu, Getɛɛ, Mɛsɛki. 24 Aapasa mɛ́ Sela ì, ↄ̃ Sela Ɛbɛlu ì. 25 Ɛbɛlu nɛgↄ̃ɛↄ ì pla. Ado tↄ́n Pɛlɛgi,* asa aà gↄↄ ↄ̃ wà kɛ̃̀kↄ̃wa dṹnia guu. Aà dãuna tↄ́n Yotã. 26 Yotã nɛgↄ̃ɛↄ tↄ́n kɛ: Alɛmↄda, Sɛlɛfi, Azemavɛ, Yela, 27 Adolaũ, Uzali, Dikala, 28 Obali, Abimaɛ, Seba, 29 Ofii, Avila, Yobaba. Yotã nɛgↄ̃ɛↄn we píi. 30 Bↄa Mɛsa gɛa Sefaa ń gbɛ̀sĩsĩ pↄ́ kú gukpɛ oiↄ mɛ́ ń bùsu ũ. 31 Sɛũ nɛgↄ̃ɛↄn we píi bui ń buio, bùsu ń bùsuo daɛdaɛ, baade ń a buiyão.
32 Nↄee nɛgↄ̃ɛↄ buiↄn we daɛdaɛ bùsu ń bùsuo. An kĩ́i dṹnia bui píi bↄ̀u, aa lìgua í daa dṹniaa gbɛa.
* 10:25 Bee mɛ̀ kɛ̃aa.