Bibeli Luayãtaalá Soũↄ 101

101

Kía lɛgbɛ̃a a kiblea yã́ musu

Davidi lɛ.

1 Má lɛsi gbɛ̃kɛ ń yã́zɛdeo musu,

má soũ dannↄ, Dii.

2 Má laaidↄ kua tàaesaiwa,

bↄɛ ńyↄ̃ mↄai?

Máↄ ku ma ua ń nↄ̀sɛpuao,

3 má pↄvãi dↄ ma wɛ́io.

Má za yãdↄↄsaikɛau, a naao.

4 Má yãdↄↄsai fↄ̃o,

ma bàa aↄ kú ń yãvãioo.

5 Má gbɛ̃́ pↄ́ ì a gbɛ̃́dee pe suumpaɛ,

má yↄ̃̀ↄdeↄ ń ĩ́andãnaↄ fↄ̃o.

6 Ma wɛ́ dↄ ma bùsu náaideↄzi aaↄ kumanↄ,

gbɛ̃́ pↄ́ ìↄ bɛ tàaesai mɛ́ aↄ dɛ ma zĩkɛna ũ.

7 Má we gbɛ̃sãsãna àↄ ku ma bɛo,

má tó mↄafilide àↄ ku ma saɛo.

8 Máↄ a bùsu gbɛ̃vãiↄ suumpa lá gu lɛ́ dↄ,

máↄ vãikɛnaↄ midɛ Dii wɛ̃́lɛ guuɛ.