116
Gbɛ̃́ pↄ́ bↄ̀ ga lɛ́zĩ Dii sáaukpaa
1 Má ye Diizi,
asa à ma yãmàɛ,
à ma wiilɛawa mà.
2 Máↄ aà sísi e ma wɛ̃ni lɛ́uɛ,
kɛ́ à swãdↄ̀mazi yã́i.
3 Ga fùa kpàmɛɛ yãa,
má kú yeelɛa zↄ̃ↄ guu,
taasi ń pↄsiao tↄ̃̀a.
4 Ɔ̃ ma lɛzù Diizi ma mɛ̀:
Dii, n yã́ na, ma misi.
5 Dii sùuu vĩ mɛ́ a maa,
wá Lua sósobi vĩ.
6 Dii ì yɛ̃̀ɛɛsaideↄ dↄ̃́a.
Kɛ́ ma gↄ̃ dↄ̀lↄlↄ, à ma suabà.
7 Ma nↄ̀sɛ aↄ nínia sa,
asa Dii yãmaakɛ̀mɛɛ.
8 Dii ma bↄ ga lɛ́zĩ,
à wɛ́'i gògomɛɛ,
i to ma gɛ̃nalɛ̀o,
9 kɛ́ màↄ ku dṹnia guu,
míↄ bɛ aà aɛ.
10 Kɛ́ taasi tↄ̃̀a, ma gↄ̃ búɛbuɛ.
Ma aà náaikɛ̀, ↄ̃ ma yã'ò.
11 Gili gɛ̃̀magu ma mɛ̀:
Gbɛ̃e mↄafilisaio.
12 Bↄ́ má fĩaboò Diiɛ
maa pↄ́ a kɛ̀mɛɛ píi yã́ musui?
13 Má Dii gbɛ̃́ suabaa imibↄ sɛ musu,
mí aà sísiò.
14 Má lɛ́ pↄ́ má kɛ̀ Diiwaↄ fĩabo
aà gbɛ̃́ↄ wáa píi.
15 Dii yãmanaↄ gaa gbiaɛ̀.
16 Dii, n yã́ na, n zↄ̀blenan ma ũ.
Nↄɛ pↄ́ zↄblènɛ nɛ́n ma ũ,
n ma bↄ bau.
17 Má sáaukpa sa'oma,
mí ń sísiò, Dii.
18 Má lɛ́ pↄ́ má kɛ̀ Diiwaↄ fĩabo
aà gbɛ̃́ↄ wáa píi.
19 Má fĩaboɛ̀ aà ua Yelusalɛũ.
Àleluya!