30
Dii sáaukpaa
1 Lɛ pↄ́ Davidi dà Lua kpɛ́ sakɛ̃pↄ ũ.
2 Má n kã́fĩ Dii, asa n ma sɛ lɛsĩ,
ni to ma ibɛɛↄ tidↄ̀malao.
3 Dii ma Lua, ma wiilɛ̀ma,
ↄ̃ n ma gbãgbã.
4 Dii, n ma si miawa,
ni to ma si bɛdauo.
5 Dii náaikɛnaↄ, à aà táasilɛ,
à aà tↄbↄ, asa a kua adoaɛ.
6 Asa aa pↄfɛ̃a lí la ń lao leo,
aà ɛ̀fãai mɛ́ ìↄ ku e gbɛ̃́ wɛ̃ni lɛ́u.
Ɔ́ↄlↄa ìↄ ku gwã́,
ↄ̃ gu ì dↄ ń pↄnao.
7 Kɛ́ má kú nama guu, ma mɛ̀:
Má kpagua bauo.
8 Dii, kɛ́ n ɛ̀fãaikɛ̀mɛɛ,
n ma zɛ gíũgiũ lán gbɛsiwa.
Kɛ́ n mikpɛdↄ̀mɛɛ,
ma gↄ̃ bíli guu.
9 Ḿmɛ ma lɛzùnzi Dii,
ma kulɛkɛ̀ ma diiɛ ma mɛ̀:
10 Bↄ́ ài ma gaa ge ma sia bɛdau vĩi?
Ma papa a n tↄbↄe?
A n náai kpàwakɛe?
11 Ma yãma Dii, wɛ̃nadↄ̃mɛɛ.
Dii, ǹyↄ̃ dɛ ma Dↄnlɛde ũ.
12 N ma ↄ́ↄlↄa lìlɛ ↄ̃wãa ũ,
n ma zwã̀nkasaↄ wòloa,
n pↄna dàmɛɛ pↄkasa ũ.
13 Máↄ nílɛo, máↄ n táasilɛɛ,
Dii ma Lua, máↄ n sáaukpa láasaiɛ.