48
Siↄnaá Lua wɛ̃́lɛɛ
Kole buiↄ lɛ.
Dii zↄ̃ↄ,
à kà wà aà táasilɛ maamaa
wá Lua wɛ̃́lɛ guu,
aà gbɛ̀sĩsĩ pↄ́ a kua adoa musu.
Siↄna gbɛ kálɛa maa,
a dɛ dṹnia gbɛ̃́piiɛ pↄna ũ.
Kía zↄ̃ↄ wɛ̃́lɛpi* ku Siↄna gugbãntoo oi.
Lua ku a gudↄ̃akĩiↄ guu,
a tò wa a dↄ̃ aafia'ekĩi ũ.
 
Kɛ́ kíaↄ lɛdoũkɛ̀,
kɛ́ aa mↄ̀ lɛ́lɛiwà sãnu,
kɛ́ aa è màa, ↄ̃ à dìmá,
iwãa kà ń pↄa ↄ̃ aa tilɛ̀.
Aa gↄ̃̀ ń lualuao
lán nↄɛ nↄwãwãkɛnawa.
N ń wiwi
lá gukpɛ ĩ́ana ì laatanaↄ gó'ilɛnaↄ wíwiwa.
 
Yã́ pↄ́ wá mà ↄ̃ wa wɛsìɛ
Dii Zĩgↄ̃de wá Lua wɛ̃́lɛ guu.
Lua wɛ̃́lɛpi kàlɛ àↄ ku gↄↄpiiɛ.
 
10 Lua, wá kú n kpɛ́u,
wálɛ làasookɛ n gbɛ̃kɛwa.
11 Lua, lá n tↄ́ fã̀aa e dṹnia lɛ́u,
màa n táasilɛa fã̀aa lↄ.
Ni yã́gↄ̃gↄ̃ n gbɛ̃́ↄnɛ a zɛ́wa.
12 Siↄna gbɛ̀sĩsĩdeↄ lɛ́ pↄnakɛ,
Yuda bùsu wɛ̃́lɛdeↄ pↄ kɛ̀na
yã́kpalɛ pↄ́ ń kɛ̀ↄ yã́i.
 
13 À dↄdↄkↄ̃wa à lia Siↄnai,
í a bĩ́i musu gudↄ̃akĩi dasiↄ nao.
14 À a bĩ́iↄ tàasika ń a zɛgikĩiↄ,
kɛ́ à e dau à siu ziadeↄnɛ.
15 Asa Lua dee dɛ wá Lua ũ gↄↄpii,
ì dↄaawɛ̃ɛ e wà gɛ gɛò gɛ́kĩiɛ.
* 48:3 Mat 5.35