51
Sùuugbɛaa Luawa
1-2 Lɛ pↄ́ Davidi dà gↄↄ pↄ́ ãnabi Natã gɛ̀ aà kĩ́i aà gbãsĩkɛa ń Basɛbao gbɛa.*
Lua, wɛ̃nadↄ̃mɛɛ n gbɛ̃kɛ guu,
ma tàaeↄ midɛ n maa zↄ̃ↄ yã́i.
Ma gbãsĩ woloa mà gↄ̃ wásawasa,
ma duuna kɛ̃a míↄmiↄ.
 
Má a tàaeↄ dↄ̃ sa,
ma duuna lí sãmaguo.
Ḿmɛ ma duunakɛ̀nɛ,
ma yã́ pↄ́ ń yeio kɛ̀.
Tó n fɛlɛa ń yã́o, n yã́ aↄ naɛ,
tó n yãdàmala, n yã́ aↄ zɛvĩ.
Za ma da nↄ̀sɛu má vãi,
má duuna vĩ za ma igↄↄɛ.
Nↄ̀sɛmaa mɛ́ ì kangu,
ↄ̃nↄ damɛɛ ma sↄ̃ guu.
 
Ma zu'o ń saoo mà zɛ̃ wásawasa,
ma nↄ̀sɛ pípi mà gↄ̃ púnvlãvlã.
10 To mà pↄnakɛ ń yaalↄo,
to ma wá pↄ́ ń bùsa wee.
11 Ńsu ma duuna yãdao,
ma yãvãiↄ bↄ dilɛ píi.
 
12 Lua, nↄ̀sɛpua damɛɛ,
ɛa to ma sↄ̃ àↄ dilɛa.
13 Ńsu ma vũaao,
ńsu ǹ n Nisĩna siao.
14 Ɛa to ma pↄ kɛ na
kɛ́ n ma suabà yã́i.
To pↄeã maa dↄaamɛɛ,
15 mí n yã́ dada vãikɛnaↄnɛ,
duunkɛnapiↄ i ɛa zɛnnↄ.
 
16 Lua, ma bↄ gbɛ̃dɛa yã́u,
mí lɛsi n yãkɛa a zɛ́wa musu,
Lua ma Suabana.
17 Dii, ma gba lɛ́,
mí n táasilɛ.
 
18 Sa'oa lí kɛnɛ nao,
tó bee no, dↄ̃ má ò.
Sa pↄ́ wì a pↄ́ kátɛu à tɛ́kũ lí kánguo.
19 Sa pↄ́ málɛ oma mɛ́ nↄ̀sɛniɛ ũ,
nili saka nↄ̀sɛniɛ sùuudeguo.
 
20 Lua, ɛ̀fãaikɛ Siↄnaɛ n pↄeã maa guu.
Yelusalɛũ bĩ́i gba gbãa.
21 A gbɛa sa'oa a zɛ́wa a kangu
ń sa pↄ́ wì a pↄ́ kátɛu à tɛ́kũo,
wi sa'o ń swanaↄ n gbagbakĩiwa.
* 51:1-2 2Sam 12.1-15 51:6 Lom 3.4