71
Mae zↄ̃ↄ wabikɛa Luawa
1 Dii, ma nanziɛ,
ńsu to wí ma kũ bauo.
2 Ma misi, ma bↄ n maakɛa yã́i,
swã́kpamazi, ma suaba.
3 Ma gbɛsi pↄ́ máli gɛ́ ulɛi a guun n ũ.
Ń dìlɛ ǹ ma suaba,
asa ma gbɛsi ń ma zɛgikĩion n ũ.
4 Ma Lua, ma bↄ vãikɛnaↄ ↄzĩ,
ma si gbɛ̃́ bɛ̃̀ɛ pãsĩↄwa.
5 Ḿmɛ ma wɛ́ dↄnzi, Dii Lua,
ḿmɛ má n náai vĩ za ma ɛ̀waasogↄↄ.
6 Ma sↄ̃ kpálɛanzi za nɛasakpɛuɛ,
ḿmɛ n ma bↄ ma da nↄ̀sɛu.
N táasi miↄ lɛ gↄↄpii.
7 Ma kua dɛ yãbↄnsaɛ ũ gbɛ̃́ dasideɛ,
asa ḿmɛ ń ma ulɛkĩi gbãa ũ.
8 N táasilɛa ìↄ dↄ ma lɛ́u,
miↄ n maabo kↄↄ ń oosio.
9 Ńsu pãkpamazi ma zikũa yã́io,
ńsu ma vũaa ma gbãa láaa yã́io.
10 Asa ma ibɛɛↄ lɛ́ ma yã'o,
ma wɛ̀lɛↄ lɛ́ lɛkpaaĩ ma wɛ̃nibↄai.
11 Aa mɛ̀: Lua gìaàziɛ,
wà aà ya kṹ,
gbɛ̃e ku à aà suabao.
12 Lua, ńsu ǹyↄ̃ kumanↄ zã̀o,
ma Lua, kɛ kpakpa mↄ dↄmalɛ.
13 To wí gbɛ̃́ pↄ́ lɛ́ yãdↄaↄ kṹ,
aa midɛ,
to sↄ̃́sↄ̃a da gbɛ̃́ pↄ́ lɛ́ ĩadaaↄla,
an tↄ́ ↄ̃̀ↄkpa.
14 Mapi sↄ̃, ma wɛ́ ìↄ dↄnzi láasaiɛ,
miↄ n táasilɛ màↄ gɛ́.
15 N maakɛa aↄ dↄ ma lɛ́u gↄↄpiiɛ
ń n gbɛ̃suabaa pↄ́ má a lɛ́ dↄ̃oo.
16 Má mↄ mà Dii Lua gↄ̃sakɛyãↄ galikɛ,
n mɛ̀ndo maakɛa má dↄ gbɛ̃́ↄgu.
17 N yãdàdamɛɛ za ma ɛ̀waasogↄↄ,
Lua, e tia málɛ n yãbↄnsaɛↄ o'o.
18 Baa kɛ́ ma zikũ̀, ma mikã pua,
ńsu ma to weo, Lua,
kɛ́ mà e n gbãa galikɛ tiadeↄnɛ,
mí n gↄ̃sakɛyã dau siu gbɛ̃́ pↄ́ aalɛ fɛlɛↄnɛ.
19 Lua, n maakɛa zↄ̃̀ma,
n yãzↄ̃ↄkɛ̀, démɛ muaannↄi?
20 Ń tò taasi pãsĩ ma le dasidasi,
ãma ńyↄ̃ ɛa ǹ ma gba wɛ̃ni,
ńyↄ̃ ɛa ǹ ma bↄ tↄↄlɛ nↄnau.
21 Ńyↄ̃ ma bɛɛɛ kã́fĩmɛɛ,
ńyↄ̃ ɛa ma nↄ̀sɛ nínimɛɛ lↄ.
22 Ma Lua, má n sáaukpa ń mↄↄnao n náai yã́i.
Isailiↄ Lua pↄ́ n kua adoa, má n táasilɛ ń kúuo.
23 Gula aↄ dↄ ma lɛ́u.
Ma gbɛ̃́ pↄ́ n ma mìsi,
má n táasilɛ.
24 Máↄ n maakɛa o gↄↄpiiɛ,
asa wí gbɛ̃́ pↄ́ lɛ́ ma vãi wɛɛlɛↄ kũ̀,
an gɛɛ gↄ̃̀ kpá ń wɛ́i.