8
Lua zↄ̃ↄkɛ oa
Davidi lɛ.
Dii wá Dii, n tↄbↄ̀ dṹnia guu,
n gawi bↄ̀ gupuau musu.
Ń dà nɛ́fɛ̃nɛnaↄnɛ ń nɛ́ yↄ̃minaↄ
aa n táasilɛ,*
kɛ́ n ibɛɛↄ ń n wɛ̀lɛↄ nílɛ yã́i,
n mↄakanaↄ lɛ́ i gↄ̃ kpaaũa.
 
Kɛ́ ma n zĩ gwà musu,
mↄvua ń saana pↄ́ ń pɛ̀pɛ weↄ,
ma mɛ̀ bↄ́n gbɛ̃nazĩna ũ an yã́ ìↄ dↄngui?
Bↄ́n ń ũ ni laaidↄmái?
N aà kɛ̀ kɛ̃́sãa malaikaↄzi gↄↄpla,
n aà kpà kpalau ń gawio ń bɛɛɛo.
Ń tò à iko vĩ pↄ́ pↄ́ ń kɛ̀ↄwa,
ń tò pↄ́pii misìilɛɛ̀,
sãↄ ń zuↄ ń sɛ̃̀anↄbↄↄ píi,
bãↄ ń kpↄↄ ń pↄ́ pↄ́ kú ísia guuↄ.
 
10 Dii wá Dii, n tↄbↄ̀ dṹnia guu.
* 8:3 Mat 21.16 8:5 Soũ 144.3, Ɛbɛ 2.6-8 8:7 1Kln 15.27, Ɛfɛ 1.22, Ɛbɛ 2.8