81
Isailiↄ dikpɛ lɛ
Asafa lɛ.
À guladↄ Lua wá gbãawa.
À kúkuakɛ Yakↄbu buiↄ Luaɛ.
À bↄ ń lɛo, í bala lɛ́
ń mↄↄna'ↄ nao ń domao.
À kuupɛ mↄbↄzĩ,*
í pɛ́ a vua zã́ wá dikpɛgↄↄ,
asa a dɛ ikoyã ũ Isailiↄnɛɛ.
Yã́ pↄ́ Yakↄbu buiↄ Lua dìlɛn we.
À yã́pi dà Yosɛfu buiↄnɛ
gↄↄ pↄ́ à ã̀na Egipiↄwa.
 
Aa lↄↄ pↄ́ aai ma yãao mà à mɛ̀:
Ma aso gò á gã̀u,
ma á ↄ bↄ̀ ɛ̃u.
A wiilɛ̀a taasikɛgↄↄ, ↄ̃ ma á bↄ́,
má wèwá asii guu ń louvĩao.
Ma á lɛ́ ma á gwá Mɛliba í kĩ́i.
À swã́kpa ma gbɛ̃́ↄ, mí lɛdawá.
Á Isailiↄ, à ma yãma lé!
10 Ásu àↄ dii pãle vĩo,
ásu kúlɛ dii zĩ̀loɛo.
11 Mámɛ má Dii á Lua ũ,
ma á bↄ́lɛ Egipiɛ.
À á lɛ́ ɛlɛ, mí tó à kã́.
 
12 Ɔ̃ Isailiↄ i ma yãmao,
ma gbɛ̃́piↄ i misiilɛmɛɛo.
13 Ɔ̃ ma ń tó ń ń swã́gbãao,§
aa tɛ́ ńzĩa pↄeãi.
14 Tó Isailiↄ sↄ̃́amazi,
tó ma gbɛ̃́piↄ tɛ ma yã́i,
15 dↄ̃ ma ń ibɛɛↄ bùsanɛ́ gↄ̃̀ↄgↄ̃ↄ,
ma ↄzↄ̃̀ ń wɛ̀lɛpiↄzi.
16 Ma zangudeↄ i vlãnau ma aɛ,
an ĩadama aↄ láaa vĩo.
17 Mí á gwa ń pↄ́wɛn gawideo,
mí gbɛ̀ zↄ́'i kpáwá à kã́.
* 81:4 Nao 10.10 81:8 Bↄa 17.7, Nao 20.13 81:10 Bↄa 20.2-3 § 81:13 Lom 1.24