87
Siↄnaá Lua wɛ̃́lɛɛ
Kole buiↄ lɛ.
Lua a wɛ̃́lɛ kàlɛ gbɛ̀sĩsĩ pↄ́ a kua adoa musu,
Dii ye Siↄna bĩ́ibↄlɛↄi
dɛ Yakↄbu buiↄ wɛ̃́lɛ kĩniↄla píi.
Lua gawi yã'ò wɛ̃́lɛpi musu à mɛ̀:
 
Má Egipiↄ ń Babɛlideↄ da gbɛ̃́ pↄ́ aa ma dↄ̃ↄ guu.
Filitɛ̃ↄ ku a guu lↄ ń Tiideↄ ń Etiopiↄ.
Wa mɛ wà gbɛ̃́ beeↄ ì weɛ.*
Wa o Siↄna yã́ musu:
Wà wã́anɛ ń wã́anɛo ì weɛ,
Musude mɛ́ ì a zɛdↄ gíũgiũ.
Tó Dii lɛ́ gbɛ̃́ↄ tↄ́ dalau,
a mɛ: Wà gbɛ̃́ beeↄ ì weɛ.
Lɛ̀sinaↄ ń ↄ̃wãnaↄ píi aa mɛ:
Wá maa píi ì bↄ Siↄnaɛ.
* 87:4 Gal 4.26