7
Isakaa buiↄ
Isakaa nɛgↄ̃ɛↄ síiↄ̃ɛ: Tola, Pua, Yasubu ń Simɛlↄnio. Tola nɛgↄ̃ɛↄ tↄ́n kɛ: Uzi, Lefaia, Yeliɛ, Yamai, Ibisaũ ń Samuɛlio. Uabeleↄnɛ ḿpii. Davidi gↄↄ Tola bui gↄ̃sa pↄ́ wà ń tↄ́ dàlauↄ gbɛ̃ↄn ↄ̀aasↄsↄo lɛɛ bao ń plao ń ↄ̀aa àaↄ̃oɛ (22.600).
Uzi mɛ́ Izilahia ì. Izilahia nɛgↄ̃ɛↄn Mikaila, Obadia, Yoɛli ń Isiao ũ. An gbɛ̃ↄn sↄo píiá uabeleↄnɛ. An bui zĩgↄ̃ pↄ́ wà ń tↄ́ dàlau daɛdaɛↄ gbɛ̃ↄn ↄ̀aasↄsↄo lɛɛ baakwi ń soolooɛ (36.000), kɛ́ an nↄↄ ń ń nɛ́ↄ dasi yã́i.
Isakaa bui gↄ̃sa pↄ́ wà ń tↄ́ dàlauↄ gbɛ̃ↄn ↄ̀aasↄsↄo lɛɛ basiiↄ̃ ń soplaoɛ (87.000).
Bɛ̃yãmɛɛ buiↄ
Bɛ̃yãmɛɛ nɛgↄ̃ɛↄ àaↄ̃ɛ: Bɛla, Bɛkɛɛ ń Yediaɛo. Bɛla nɛgↄ̃ɛↄ sↄoɛ: Ɛzɛbↄ̃, Uzi, Uziɛli, Yelimↄ ń Ilio. Uabeleↄnɛ ḿpii. An bui gↄ̃sa pↄ́ wà ń tↄ́ dàlauↄ gbɛ̃ↄn ↄ̀aasↄsↄo lɛɛ bao n plao ń baakwi ń síiↄ̃oɛ (22.034).
Bɛkɛɛ nɛgↄ̃ɛↄ tↄ́n kɛ: Zemila, Yoasi, Ɛliɛzɛɛ, Ɛlioenai, Ɔmɛli, Yelemↄ, Abia, Anato ń Alemɛo. Bɛkɛɛ nɛgↄ̃ɛↄn we píi. Wà ń uabeleↄ tↄ́ dàlau, mɛ́ an gↄ̃saↄ gbɛ̃ↄn ↄ̀aasↄsↄo lɛɛ bao ń ↄ̀aa dooɛ (20.200).
10 Yediaɛ mɛ́ Bilana ì. Bilana nɛ́ↄ tↄ́n kɛ: Yeusi, Bɛ̃yãmɛɛ, Ehudu, Kenaana, Zetã, Taasisi ń Aisahaao. 11 Yediaɛ buipiↄá uabeleↄnɛ ḿpii. An bui gↄ̃sa pↄ́ aaì bↄ gɛ́ zĩkaiↄ gbɛ̃ↄn ↄ̀aasↄsↄo lɛɛ gɛ̃o ń plao ń ↄ̀aa dooɛ (17.200). 12 Supiũ ń Hupiũoá Ili buiↄnɛ, mɛ́ Husiũá Ahee buiↄnɛ.
Nɛfatali buiↄ
13 Bila nɛ́ Nɛfatali nɛgↄ̃ɛↄ tↄ́n kɛ: Yaziɛli, Guni, Yezɛɛ ń Sileũo.
Manase buiↄ
14 Manase nɛgↄ̃ɛↄ tↄ́n kɛ: À Asiɛli ń Makiio ì ń Sili bui nↄ pↄ́ i mɛ́sɛdilɛɛ̀ooɛ. Makii mɛ́ Galada ì. 15 Makii nↄsɛ̀ Hupiũɛ ń Supiũo. Aà dãe tↄ́n Maaka. Makii buie tↄ́n Zelofada. Nɛnↄɛↄ a ì atɛ̃ɛ.
16 Makii nɛgↄ̃ɛ ì ń a na Maakao, ↄ̃ à tↄkpàɛ̀ Pɛlɛsi. Aà dãuna tↄ́n Sɛlɛsi, aà nɛgↄ̃ɛↄn Ulaũ ń Lakɛũo ũ. 17 Ulaũ mɛ́ Bedã ì. Makii nɛ́ Galada, Manase tↄũna nɛgↄ̃ɛↄn we.
18 Aà dãe Amↄlɛkɛ nɛgↄ̃ɛↄn Isodo, Abiɛzɛɛ ń Malao ũ. 19 Semida nɛgↄ̃ɛↄn Ahiana, Sikɛũ, Liki ń Aniaũo ũ.
Ɛflaiũ buiↄ
20 Ɛflaiũ Sutɛla ì, Sutɛla Bɛlɛdi ì, Bɛlɛdi Taatu ì, Taatu Ɛlada ì, Ɛlada Taatu ì, 21 Taatu Zabada ì, Zabada Sutɛla ì. Ezɛɛ ń Ɛladuo gɛ̀ Gatadeↄ pↄtuoↄ kṹkũi, ↄ̃ wà ń dɛdɛ we. 22 An mae Ɛflaiũ pↄsia kɛ̀ ń gaa yã́ musu à gↄↄplakɛ̀, ↄ̃ aà daɛↄ mↄ̀ aà nↄ̀sɛ nìniɛ̀. 23 Kɛ́ Ɛflaiũpi ɛ̀a wùlɛ ń a nao, ↄ̃ à nↄsì à nɛgↄ̃ɛ ì lↄ. Ɔ̃ à tↄkpàɛ̀ Bɛlia,* kɛ́ yã'ↄ̃ma aà bɛdeↄ lè yã́i. 24 Aà nɛnↄɛ tↄ́n Sɛɛla. Ɔ̃mɛ Bɛtoloni Musu ń Bɛtoloni Zĩ́lɛo kàlɛ ń Uzɛni Sɛɛlao.
25 Lɛfa Lɛsɛfa ì, Lɛsɛfa Tɛla ì, Tɛla Taani ì, 26 Taani Ladã ì, Ladã Amihudu ì, Amihudu Ɛlisama ì, 27 Ɛlisama Nuni ì, Nuni Yozuee ì.
28 An bùsu wɛ̃́lɛↄ tↄ́n kɛ: Bɛtɛli ń a bualoũↄ, Naalana pↄ́ kú gukpɛ oi, Gɛzɛɛ pↄ́ kú bɛ'aɛ oi ń a bualoũↄ, Sikɛũ ń a bualoũↄ e à gɛ̀ pɛ̀ Aya ń a bualoũↄwa. 29 Bɛtɛsã ń Taanakio ń Mɛgidoo ń Dooo, ampii ń a bualoũↄ ku Manase buiↄ bùsuuɛ, ↄ̃ Isaili nɛ́ Yosɛfu buipiↄ ku wɛ̃́lɛpiↄ guu.
Asɛɛ buiↄ
30 Asɛɛ nɛgↄ̃ɛↄ tↄ́n kɛ: Imɛna, Iseva, Isevi ń Bɛliao. An dãen Sela ũ. 31 Bɛlia nɛgↄ̃ɛↄ tↄ́n kɛ: Ɛbɛɛ ń Biizai mae Malakiɛo. 32 Ɛbɛɛ nɛgↄ̃ɛↄ tↄ́n kɛ: Yaflɛti, Somɛɛ ń Otaũo. An dãen Sua ũ. 33 Yaflɛti nɛgↄ̃ɛↄ tↄ́n kɛ: Pasaki, Bimali ń Asevao. 34 Somɛɛ nɛgↄ̃ɛↄ tↄ́n kɛ: Ahi, Lↄga, Uba ń Alaũo. 35 Aà dãuna Otaũ nɛgↄ̃ɛↄ tↄ́n kɛ: Zofa, Imɛna, Selɛsi ń Amaluo. 36 Zofa nɛgↄ̃ɛↄ tↄ́n kɛ: Sua, Aanɛfɛɛ, Suali, Beli, Imla, 37 Bɛzɛɛ, Odo, Sãma, Silesa, Yɛtɛɛ ń Beelao. 38 Yɛtɛɛ nɛgↄ̃ɛↄ tↄ́n kɛ: Yefũnɛ, Pisipa ń Elao. 39 Ula nɛgↄ̃ɛↄ tↄ́n kɛ: Ala, Aniɛli ń Liziao.
40 Asɛɛ buiↄn we, mɛ́ uabeleↄnɛ ḿpii. Gↄ̃sa gbãa tↄdeↄnɛ mɛ́ dↄaana maaↄnɛ. An zĩgↄ̃ pↄ́ wà ń tↄ́ dàlauↄ gbɛ̃ↄn ↄ̀aasↄsↄo lɛɛ baasↄo ń mɛ̀ndooɛ (26.000).
* 7:23 Bee mɛ̀ yã'ↄ̃ma guu.