10
Nuhu burinↄ
Nuhu nɛ́gↄ̃gbɛ̃nↄ Sɛmu kũ Hamuo kũ Yafɛtio kũ ń nɛ́gↄ̃gbɛ̃ kũ ò ì í dana anduniala gbɛranↄ yãn dí. Yafɛti nɛ́gↄ̃gbɛ̃nↄ tↄ́n dí: Goma, Magↄgu, Midiã, Girisi, Tubala, Mɛsɛki kũ Tirasao. Goma nɛ́gↄ̃gbɛ̃nↄ tↄ́n dí: Asakɛnaza, Rifa, Tↄgama. Girisi nɛ́gↄ̃gbɛ̃nↄ tↄ́n dí: Ɛlisa, Tasisi, Sipiru, Rodanimu. Buri pìnↄ mɛ́ ò dàgula ísira gɛrɛɛi, ò kↄ̃ kpàatɛtɛ bùsu kũ bùsuuo buri kũ burio danɛdanɛ, baadi kũ a buriyão.
Hamu nɛ́gↄ̃gbɛ̃nↄ tↄ́n dí: Etiopia, Misila, Libia kũ Kanaao. Etiopia nɛ́gↄ̃gbɛ̃nↄ tↄ́n dí: Sɛba, Avila, Sabata, Raama kũ Sabatɛkao. Raama nɛ́gↄ̃gbɛ̃nↄmɛ Seba kũ Dedão ũ. Nimlↄdu bi Etiopia burimɛ dↄ. Àkũmɛ andunia gbãnazↄ̃kↄ̃de tↄ́de káaku ũ. Tofe sàamɛ Dikiri kĩnaa. A yã mɛ́ à tò òdi pi: Lákũ Nimlↄdu de tofe sà ũ Dikiri kĩnaa nà. 10 Babilↄnia bùsu kũ à kí blèa káaku wɛ́ranↄmɛ Babɛli kũ Ɛrɛkio kũ Akadao kũ Kalanɛo ũ. 11 Bona gwe à gɛ̀ɛ Asiria bùsun, akũ à Ninɛva kàtɛ kũ Reobo'irio kũ Kalao 12 kũ Rɛsɛ̃ kũ à kú Ninɛva dagura kũ Kalao. Ninɛvamɛ wɛ́ra zↄ̃kↄ̃ ũ.
13 Misila burinↄn dí: Ludunↄ, Anamunↄ, Lɛabanↄ, Nafatunↄ, 14 Patarusinↄ, Kasalunↄ kũ Kɛrɛti kũ Filisitininↄ bò ń gũnnↄo.
15 Kanaa daudu Sidↄ̃ burinↄn dí: Itinↄ, 16 Yebusinↄ, Amↄrinↄ, Gigasinↄ, 17 Ivinↄ, Akinↄ, Sininↄ, 18 Avadanↄ, Zɛmarinↄ kũ Amatanↄo. Kanaa pìnↄ dàgula kpɛkpɛ. 19 Ń bùsu lɛ́zɛkin dí. Bona zaa Sidↄ̃ gɛna Gera kũ à kú Gaza sarɛ ari Sↄdↄmu kũ Gↄmↄrao kũ Adamao kũ Zeboimu kũ à kú Lasa sarɛo. 20 Hamu nɛ́gↄ̃gbɛ̃nↄn gwe buri kũ burio bùsu kũ bùsuuo danɛdanɛ, baadi kũ a buriyão.
21 Yafɛti dakũna Sɛmu buri kɛ̀ dↄ. Àkũmɛ Eberunↄ dizi káaku ũ. 22 Sɛmu nɛ́gↄ̃gbɛ̃nↄ tↄ́n dí: Elamu, Asiria, Apasada, Ludu kũ Aramuo. 23 Aramu nɛ́gↄ̃gbɛ̃nↄ tↄ́n dí: Uzu, Hulu, Geta kũ Mɛsɛkio. 24 Apasada mɛ́ à Sela ì, akũ Sela Eberu ì. 25 Eberu nɛ́gↄ̃gbɛ̃nↄ ì gbɛ̃nↄn pla. A do tↄ́n Pɛlɛgi, zaakũ a gↄrↄn ò kɛ̃̀kↄ̃a andunia gũn. A dakũna tↄ́n Yↄkↄtã. 26 Yↄkↄtã nɛ́gↄ̃gbɛ̃nↄ tↄ́n dí: Alamↄdada, Sɛlɛfi, Azamavɛ, Yera, 27 Adoramu, Uzala, Dikala, 28 Obala, Abimaɛli, Seba, 29 Ofi, Avila kũ Yobabuo. Yↄkↄtã nɛ́gↄ̃gbɛ̃nↄn gwe pínki. 30 Bona Mɛsa gɛna Sefa kũ kpi kũ ò kú ifãboki kpanↄ, àkũmɛ ń bùsu ũ. 31 Sɛmu nɛ́gↄ̃gbɛ̃nↄn gwe pínki buri kũ burio bùsu kũ bùsuuo danɛdanɛ, baadi kũ a buriyão.
32 Nuhu nɛ́gↄ̃gbɛ̃nↄ burinↄn gwe danɛdanɛ bùsu kũ bùsuuo. Ń kĩnaan andunia buri sĩnda pínki bòn ò dàgula í dana anduniala gbɛra.