11
Laakarikpatɛnaa
Dauda lɛ̀ɛ.
Ma na Dikirii.
Bↄ́ yã mɛ́ à tò átɛn pimɛnɛ mà vura
mà tá kpi musu lán bã bàa?
À yãvãnikɛrinↄ gwa, ò kàa kpà sála,
ò nàtɛ gusarɛ ò ń sá gà,
ò kàa dↄ̀dↄ nɛ̀sɛmanadenↄa.
Tó futɛokarayã tɛn kakatɛ,
gbɛ̃ mananↄ ni kɛ deramɛɛ?
 
Dikiri kú a kpɛ́ kũ à kú adonaa gũn,
à vutɛna kpatan musu gwe.
Àdi wɛ́ pɛ́ bisãsirinↄla à ń tàasi ká.
Dikiri dì gbɛ̃ mananↄ gwagwa,
ama à zã̀ yãvãnikɛrinↄgu
kũ gbɛ̃ kũ yã pãsĩ dì kɛńnɛ nnanↄ.
Ani tɛ́yↄ̃ kũ ifãntɛ̃gbↄ̃ↄo kú yãvãnikɛrinↄa,
ĩa wãna mɛ́ anigↄ̃ de ń baka ũ.
 
Zaakũ Dikiri dì yã kɛ a zɛ́a,
yãmanakɛnaa dì kɛnɛ nna,
gbɛ̃ mananↄ ni wɛ́ kɛ kãao pla.