Luda yã takada kũ Bisã yão ZABURA 122

122

Dauda aduakɛna Yurusalɛmunɛ

Gɛna Yurusalɛmu lɛ̀ɛ.

1 Kũ ò pìmɛnɛ ò gɛ́ Dikiri ↄnn,

ma pↄ kɛ̀ nna.

2 Ó zɛna n bĩnilɛa sà Yurusalɛmu.

3 Ò Yurusalɛmu kàtɛ nanakↄ̃ana gíngin.

4 Gwen Isaraila burinↄ dì gɛ̃n,

buri kũ Dikiri sɛ̀ɛ pìnↄ.

Òdi gɛ́ Dikiri sáabu kpá

lákũ à dìtɛńnɛ nà.

5 Gwen yãgↄ̃gↄ̃rinↄ gbànↄn kátɛn,

Dauda burinↄ kpata gbànↄ ũ.

6 À aafia wɛ́ kɛ Yurusalɛmunɛ à pi:

Luda tó gbɛ̃ kũ ò yenyĩnↄ arubarika le!

7 Aafia gↄ̃ kú n bĩninↄ dagura,

n gudãkpãkinↄ gↄ̃ katɛna nna.

8 Ma gbɛ̃nↄ kũ ma gbɛ̃nnanↄ yãi mani pi,

Luda n gba aafia.

9 Dikiri ó Luda kpɛ́ yãi

mani yã mana wɛ́ kɛnnɛ.