Luda yã takada kũ Bisã yão ZABURA 128

128

Yã mana kũ Dikiri vĩnakɛrii dì le

Gɛna Yurusalɛmu lɛ̀ɛ.

1 Arubarikademɛ gbɛ̃ kũ à Dikiri vĩna vĩ

akũsↄ̃ à tɛ́ a zɛ́n ũ.

2 Ĩni n zĩ àre ble,

ĩnigↄ̃ arubarika vĩ, ĩnigↄ̃ kun aafia.

3 N nↄ nigↄ̃ kú n ↄnn

lán geepi lí nɛ́'irii bà,

n nɛ́gↄ̃gbɛ̃nↄ nigↄ̃ lika n teburuui

lán kù lí ketenↄ bà.

4 Lɛn gbɛ̃ kũ à Dikiri vĩna vĩ

dìgↄ̃ arubarika vĩ lɛ.

5 Zaa Zaiↄ̃ Dikiri arubarika dangu

ari n wɛ̃̀ndi lɛ́n.

À tó ǹ wɛ́ sí Yurusalɛmu nnamanalɛ,

6 à tó ǹ n daikorenↄ e kũ wɛ́o.

Dikiri Isarailanↄ gba aafia!