6
Faaba wikilɛna Ludaa
Dauda lɛ̀. Òdi sí kũ mↄrↄlɛnaaomɛ.
1 Dikiri, ǹsun patama kũ pɛ̃tɛ̃oro,
ǹsun ma toto kũ pↄfɛ̃oro.
2 Ǹ ma wɛ̃nda gwa, Dikiri,
zaakũ ma gↄ̃ fɛ̃fɛ̃na,
ǹ ma gba aafiaa, Dikiri,
zaakũ ma wánↄ tɛn wímɛ.
3 Ma pↄ yàka manamana,
Dikiri, ĩni kpámai bↄrɛmɛɛ?
4 Ǹ ɛra ǹ ma mì sí, Dikiri,
ǹ ma sura ba n gbɛ̃kɛ yãi.
5 Zaakũ gɛ̀ ni le à n tↄ́ kpáro,
oni n sáabu kpá mira gũnlo.
6 Ma ndana ma kpasa,
ma mìbↄkↄↄ dì yaku kũ wɛ́'io,
ma wutɛbↄ dì yĩda kũ ari gu gɛ́ dↄo.
7 Ma wɛ́ kakana kũ pↄsira ↄ́ↄdↄnaao,
àtɛn ga kũ ma ibɛrɛnↄn dasi yãi.
8 À go ma kĩnaa yãvãnikɛrinↄ,
zaakũ Dikiri ma ↄ́ↄ dↄ mà.
9 Dikiri ma wikilɛnaa mà,
Dikiri ma aduakɛnaa sì.
10 Wé'i ni ma ibɛrɛnↄ kũ ò gↄ̃ bídi gũn,
oni fua kãnto ò kpɛ li ń pínki.