67
Arubarika gbɛkana Ludaa
Lɛ̀ kũ òdi sí kũ guruminↄo.
1 Luda, ǹ ó wɛ̃nda gwa,
ǹ ãn werewá ǹ arubarika daógu,
2 de andunia pínki gↄ̃ n zɛ́ dↄ̃,
buri sĩnda pínki dↄ̃ lákũ ndì gbɛ̃ sura ba nà.
3 Ò n táaki lɛ́ Luda,
gbɛ̃ sĩnda pínki n táaki lɛ́.
4 Burinↄ pↄnna kɛ à ayuwii kɛ,
zaakũ ndì yãkpatɛ kɛ kũ gbɛ̃nↄ a zɛ́a,
ndì do andunia burinↄnɛ arɛ.
5 Ò n táaki lɛ́ Luda,
gbɛ̃ sĩnda pínki n táaki lɛ́,
6 gbasa zĩtɛ pↄ́ble kɛ,
Luda ó Luda ni arubarika daógu.
7 Luda ni arubarika daógu,
andunia lɛ́zɛkidenↄ ni vĩna kɛnɛ ń pínki.