93
Dikirimɛ Kína ũ
1 Dikiri mɛ́ àtɛn kí ble,
à zↄ̃kↄ̃kɛ dana uta ũ.
Dikiri zↄ̃kↄ̃kɛ dana,
à gbãna dↄ̀ a pi,
à andunia kàtɛ gíngin,
ani yĩgãro.
2 N kpata pɛtɛna zaa zĩzĩ,
ń kun zaa káaku.
3 Í zↄ̃kↄ̃ↄ dàgula Dikiri,
í zↄ̃kↄ̃ kĩni dↄ,
í zↄ̃kↄ̃ tɛn gã̀gã lɛ́.
4 Dikirin kú musu, à zↄ̃kↄ̃,
a zↄ̃kↄ̃ de í dasi kĩnila,
a gbãna de ísira sↄ̃ vĩvĩnala.
5 Dikiri, n yãditɛnanↄn gborona vĩro,
à kũ̀ n kpɛ́ gↄ̃ kú adona ari gↄrↄ sĩnda pínki.