1 no nekangka bi kwannek wiri no birum neri wiri wi wo cwika netiyeri, no mwer ka-ngka duwe mor yuwa tangbe wucake wiri, no cire duwe ka-nge bunangka wiri, 2 ko dok bilantum mini bo a dim, nawo ka yilam nero wiine, kom kicwika wiin, ko mwerka-ngum mor yuwako wucake kom ki dige ka yõ kabawiin. 3 kom mare diger ki cwika duwe kaka'a diger bi boler, nyori ki taka duwe, tu tang ne nube cin lã nen. 4 kom tore ka dike kom cwitiye koni, nyori kom to dige kangumbo cwitiyeu. 5 ki nyimom wori ki bwikimi, buro mor kiristi Yeesu. 6 wori yi yim na kwama dila tũbo dor cerowiin na kwama. 7 nyori cin tũ dor cero na cang. ci ki bwi nifire, cin tũ dor cero canga cin cerkangu na nifir. 8 con cukum dor ki co cero, cin yilam ki ne duri wo yo yaken ki co bware, bwaro wo dor bwatiye reu, 9 nyori kwama neco duktankaku dur, con neco dendo la den gwamme. 10 ci ma wureu, na nyori mor dene Yeesu dwendo gwam an cun-cunge, dwen nobo wo kwamau, ka-nge wo dor bitinereu ka-nge wo mor bitineu 11 ca mawo na biyendo gwam, na toki ki, “Yeesu co kiristi ka-nge Teluwe ker duktongka kwama Teu. 12 nyori kom keb mibo mi cwitiye, nawo ki ne durti ki ca tecceu nuwen, la can a lã nyo mi maniyeu. ki do fangka kime ko ki tai ka-nge, kwama bwiyek. 13 wo kwama ma nangen ti more kime ki cwika cek ka-nge nuwa ka luma ce ken. 14 kom ma diger gwam kebo ki fwenna kaka kwob kanka. 15 nyori na kom yilam kom man ki kwama man ki diger bitorek ka-nge bilengke, bi bei kwama man ki diger bitorektiber kaldo wo bwira nyonlangum-nyonlangeu, woro ka yilam kira tibati mor kale. 16 kom tam ker dume, na nyori ki bi diye kiristi na yilam ki nyial ma cwa bo cwak ka-ge nangen koni. 17 no mwenno ci yumyeti na nuwang twika ka-nge nangen bilen keret di, miki fwor nerek ka-nge bilengka kimen gwam. 18 nyo takeu, kom ken nuwa luma, naki bilangi ka-nge mo. 19 nyori muki nyo-neri Teluwe Yeesu nin in twom Timoti kimen kutang bo, na fiya bi kwamar neret no nuwa dige dor kimerdi. 20 mi mangki nii na co, wori ki bi cwom kwa kom ti ki neri. 21 wori digero dor cire koni ci nyime kebo digero wo na Yeesu kiristi. 22 ka nyimom yora ceko, wori na bwe te nin, con mamen nangen mor fulen kere. 23 nyori mi yo nerti na twom co kimen non to dige a yakenti fo ka-nge mer. 24 miki bi kwamer neret mor Teluwe, mo ki bwimi man bou kutang bo. 25 min tõ tam yo twom Abafaroditu a wajenku. con ka-nge far nangenne ka-nge far kwene ka-nge nii tome ka-nge canga kime dor dige mi cwitiye. 26 wori con kung ner dor kimer, na co ya kimen gwam, wori kom nuwa ki co nuwa bo luma. 27 ki cwom ca nuwabo luma, con dadom bwar, la kwama cii dor cero, kebo co ka-nge mo, nyori nan fiyare bwiraka nere dor bwiraka nerek. 28 nyori miki kuru ducce, twom co no komto co tak ri kan bilangi, mo keneu ner mure an daken. 29 ki yuwo Abafaraditu mor Teluwe ki for nerek gwam. kom ne dur nob na co. 30 kin ker nangen kiristi ca dadom ca bwiyetiye, con ciya leka dume cek naci mamen nangen do wuro no kom ka matiye.