ካፋራመሮ ያንሳኮክ ሀንዳ ካሴድ
ታባኖ
ካፋራመሮ ያንሳኮክ ሀንዳ ካሴድ ካኮንጻፋመራ፥ “ካፋራመሮ ጃርሳት ያንሳ” ጎሌሮ፥ ካኮንጻፋመራ ጋዮሳ ካአማማረ ምን ካዋዉን ሆረሃየ ካፈላሮንየ፥ ጻፍት ምና ቶነ ካካለ አማኒል ጋዮሳ ማንኮጋርጋረ ማራን ኡሱ ጋላታረ፥ ጋራ ካካለኔ አደ ድዮትረፊሳ ካአማማሮ ምጌክ እባዶትኮ እስኦቴሳ ጎጎኦራሮን ሻድሳራ።
ራቶ ሂክ ማጻፋ ካአበራ
ታባኖ 1-4
ካጋይዮሳ ጋላታማኖ 5-8
ድዮትረፊሳ ዎቃሳማኖ 9-10
ካድመጢሮሳ ጋላታማኖ 11-12
ጉድሳኖ 13-15
1
1 ሩምና አን ካጌላታሮ ካጌላመሮ ጋዮሲን።
እን ጃርሳትኮ ካፍራመራ ሀንዳ፥
2 አን ካጌላታሮኬ! ኔፎታ ታኢዳነት ጎጎግርቶክ ማለ ታኢዳን ፋያ ኩ ጎጎግርቶና አየስ ዱባ ኩን ጎጎኤካሮን አን ኤባታራ።
3 ሩምዉን ካአብዳማቶ ላኖካና አት ካሰሳታ ራ ካሩም ላኖ አማኒል ኮኮ ኤመተዴ ጋራካካ ካኮአቶታተ ጎራታ አን ኣሎ ገጌላየራ።
4 ይስካክ ሩሚ ካሰሰታሮ ላኖ ማላኖኮ ኦሮራራን ገጌሎ ኢን ላግራን።
ካጋይዮሳ ጋላታማኖ
5 ካጌላታሮኬ! ኩን ማርት ጎሌና አደ አማኒሉን ካፈላቶ ኮኮ ዱባ አት ካአብዳንተታ።
6 እሶና አት እሶን ታአብቶ ጌላንጀ ዋ ካአማናሮ እባዶ ሆረ አቶቴራን፥ ራክሶይና ዋ ካኮገገላይሶ ጋራይ ጎጋርጋርተ ታኢዳን ፈላታ።
7 መገ ካክርስቶሳ ማራን ኦቤራን አይዛብኮ ኮና ሀአታኖኒያ።
8 ጎርታ ራቶ ሩሚን ጎጎፈልኖን ሂካ ኣንክክ እባዶ ጋርጋራኖ ዶትሳራ።
ካድዮትረፈስ ዎቃሳማኖና ካድመጢሮሳ ጋላታማኖ
9 ሂታኮ ሆረነ ምን ካዋቱን ዳብዳቤ አን ጻፈራ፤ አየሱን ጎአመን ምን ካዋይ ሆረሃይ ፈልን ካዶታታራ ድዮትረፊሳ ቆፋቴ ላኮአታተሮ።
10 ሃንሱን አን ጎኤሜየ ኡሱ ካሜላን አየስ መገካን ባስን ካፈላሮ ዱባ ዲዳ ቤስናራ፤ ህክና ላኮሌሮ አመረ አማኒል ላኮቆጳታሮ፤ ቆጳይን ኦዶታታራና ትራራ፤ ምን ካዋኮና እሶ ቤሳራ።
11 ካጌላታሮኬ! ካእዳን ካእዳንክ ሌን ኳሬ ካሜላን ኣን አሮሌተ። ካእዳን ካሌሮ ካፈላራ ዱባ ዋኮያ፤ ካሜላን ካፈላራ አደ ዋ ላኮዴሮ።
12 ድመጢሮሳን፥ እባዶ ዱባ ጋራኬሳ አቶታራ፤ ሩም መተክሴዉን ኡሱን አቶታታ፤ ኖና አንዴ ኡሱን አቶታና፤ እስና አቶናትካን ሩም ላኖ ካሳንዋ።
ታጋቾ ኖጎዳ
13 አን ኩን ካጻፍናረ ካሞጋን አየስ ግረ፥ ሀሌዎ ኳሬ ቃላምይና ቢርይ ጎጎሌሮ ላኮዶታሮ፤
14 አን ኤነ ኩ ድን አብድ የላታራ፤ እስደያ አዬስናና።
15 ኖጎዳ ኩን ሀሌቶ፤ ኩ ኦጌላታራን ዱባ ኖጎዳ ፋራማራን፤ አትና ኖ ኦጌላታራዉን መተ መተ ኖጎዳ ፋራምና።