11
አቶ ላማ
ሂካኮ አባባተረ ኮኮ ኤካስን ታማዳቶ ዳማ ኣንክክ ፊቀ ኮ ኢን ስሳመ፤ ኢነና ሃ አመ፥ “ክንጉዴ ቁሉክ ምን ካዋና ጃርሶ ታኮስሳራን ባንኤ ህስል ኦይ፤ ኤሴና ዋ ኦሄዶይሳታራን ቶቲ፤ + ቁሉክ ምን ካዋኮ ሳሬ ታግቶ ሀላልት ባንኤ ጎአመን እስ፤ ሀሴ አይዛብን ታስሳንተቶ ማንኮሌተ ማራን ህስሊ አሮኦይተ፤ አይዛብና ህታ ቁሉት ካታማ ድግኒ አፋርታምኮ ላማን ዳዳር ባሪስናራን፤ + አቶጃ ላማ ኦት ካሬስሴ ሳርስ ሳርሳይጉሬን ኩማ ኮኔ ላማ ቦለኔ ሎታም አርጆል ሄገሮ ጎጎአየስራዉን አን እሶን ሁና ስስናራ።”
እሶ ካኡሌ ጎታይ ሆረ ኦአላራን ካኤጀርሳ ጋ ላማና ቦላንሶ ላማያን፤ + ማዮና እሶ ሚሪዕን ጎዶተ ኤለን ህኢትሶኮ ብጉደ ዲናክሶ ጉብናታ፤ እሶ ሚሪዕን ካዶታራ ዱባ ካኮጎይናራ ሂካማሌያ። እሶ ሄገሮ ታኮአዬሳራን ሀኑኡ አርጆሊ ኢዳሞ ጎጎኡባኖንኮ ዳሩር ጩፍን እሶ ኦዶናት አባን፤ ኡሱማሌ በከና ኢግ ቶስ ኢግልሲና ካኮዶታቴን ጎራታ ዱባይ ማምስት ኤንገና ኡሊ ጉት ኬኒን ኦዶናት አባን። +
አቶታኖክሶ ጉድሴን ካኮአባባታሬን ጎራታ ቦላክ ጉምቢኮ ካበያራ ሱላለት እሶነ ዎታ ጀሬን ሻፋይጉረ እሶ አዎድናራ፤ ላጋድናራ፤ + ሬስክሶ ማሱሳኮት ኡምቱን ሶዶም ጎርቱን ግብጽ ታአማማቶ ታአቲ ካታማኮት አጋሪይ ሁዱርናራ፤ ህት ካታማ ጎታክሶ ታኮሱዋመረታ። + ካለካለት ኡናና ኣኒ ካለካለት ሄኢ ካአዬሳራ እባዶና ጎሳ አሪ ሴንዳ ምናና ሬስክሶ ድናራን፤ ሬስክሶና ጎጎቃማላሞንኮ ትርናራን። 10 ሂኒዕ ኦሄገሮል ላማ ኡሊ ካግሮ እባዶ ዱባ ማንኮጫናቅሰረን ማራን ኡሊ ካግራ እባዶ ሂካ ሄገሮልኮክ ጎይን ገጌላይናራን፤ ካገጌሎ ባላና ካባጃይናራን፤ እላቦና እስእስኦሮ ስሳይናራን። 11 አየሱን ጎአመን ህት አሪ ሴንዳ ምናና ካኮሮራተ ጎራታ ግር ታስሳታ ኔፎ ዋኮ ኤመተዴ ሬስጆሊ ታብተ፤ ሉቃኦትሶይ አሌን፤ እሶ ካዴራ እባዶና ኣሎ አብሳተ። + 12 ሂታኮ አባባቴንጉረን ኦሄገሮል ላማ፥ “ሂታራ ኤልዳ ኮዬን!” ታአማቶ ታአቲ ያየ ዳሩርኮ እሶ ማለን፤ ዲናክሶ እሶ ድያግራን ዱማንቻይ ዳሩር ቶስ ቤን። + 13 ጎርሰዋ ሀሴ ሳቲ ኡል ኣኤ፤ ኤሰ ካታማይ ገነ ቶሞንኮ ገነ ቶ ባተ፤ ካአቲ ኡል አአኖኮት ኣላንቲ ኩማ ቶዶባ እባዶ ጎየ፤ ጎይኮ ኦሄሴራን ኣሎ አብሳተን፤ ካዳሩረ ሄዶ ጋላተን። +
14 ታላም ራኮ ሮርተታ፤ አደ ታሴድ ራኮ ሳም ኤመይናታ።
ማላካታ ካቶዶብ
15 ካቶዶብ ኤርግቻት ማላካታ ኡፉፈ፤ ዳሩርና፥ “ካአላም ዎኖናት ጎታ ሄዶካንክና ካክርስቶሳ ሌራ፤ ኡሱ ጅሩ ጅሮማኮ ታ ጅሩ ጅሮማ ጌሮ ሬድናራ፤” ታአማታ ታአቲ ያየ ማልሳንተ። + 16 ዋይ ሆረ ኮርፍንጀክሶይ ጉት ታሀማጽተታ ጃርሶለ ላማታንኮ አፋሮና በቤዲ ኡል ኦይተደ ዋዉን ሳጋደ፤ 17 ሃና አንተ፥
ካግታና ካግቴ፤
“ዱባ ካዳንዳታ ጎታ!
ካንጂንክ ኦዶናትካ ገነታይ ማንኮአባተቶ ማራና፤
ማንኮሬደቶ ማራን ኖ ኩ ጋላታና።
18 አይዛብ ኢኦተራ፤
ኤንገታና ኤሜተታ፤
ካጎየራ ፍርዳ ካኮአታይናራ ጎራታ ጌራ፤
ኩን ካሀንዳሮ ካሄገሮልካዉና
ቁሎሌዉን መገካ ኦካባጃራኑን፤
ክጪጫሩና ካጂንጂኑን፤
ሙራትሶ እሶን ካኮስስናታ ጎራታ ጌራ፤
ኡል ኦባሳራን አት ካኮባስናታ ጎራታ ጌራ።”
19 ዳሩሪ ካግራ ቁሉክ ምን ካዋና ባናመ፤ ካአማቶ ታቦታኬሳ ቁሉክ ምን ካዋይ ኦሮ ሙተ። ባንቃኖ፥ ያየ፥ ድዲዴና፥ ኡልኮክ ኣአኖና ታአቲ በለት ሌተ። +
+ 11:1 ዛኪ. 2፡1-2። + 11:2 ሉቃ. 21፡24። + 11:4 ዛኪ. 4፡3፥11-14። + 11:6 ብያ. 7፡17-19፤ 1 ሳሜ. 4፡8። + 11:7 ዳኔ. 7፡7፥21፤ ራጋ 13፡5-7፤ 17፡8። + 11:8 ኢሳ. 1፡9-10። + 11:11 ሕዝ. 37፡10። + 11:12 2 ዎኖ. 2፡11። + 11:13 ራጋ 6፡12፤ 16፡18። + 11:15 ያን. 15፡18፤ ዳኔ. 2፡44፤ 7፡14፥27። + 11:19 ራጋ 8፡5፤ 16፡18፥21።