122
Dauda aduakɛna Yerusalɛmunɛ
Gana Yerusalɛmu lɛ̀.
1 Kɛ̀ wà bèmɛ wà gá Dii ua,
ma pↄↄ kɛ̀ nna.
2 Wá zɛna n bĩilɛa sa, Yerusalɛmu.
3 Wà Yerusalɛmu kàɛ nanakↄ̃ana gíngin.
4 Gwen Isaraili boriinↄ è gɛ̃n,
borii kɛ̀ Dii sɛ̀ pìnↄ.
Aↄ̃è gá Dii sáabu kpá
lán à dìɛńnɛ nà.
5 Gwen yãgↄ̃gↄ̃rinↄ kìtanↄↄ káɛn
Dauda boriinↄ kpata kìtanↄ ũ.
6 À aafia wɛ́ɛ kɛ Yerusalɛmunɛ à be:
Luda tó gbɛ̃ kɛ̀ aↄ̃ↄ yenziinↄ aubarika e!
7 Aafia gↄ̃ kú n bĩinↄ dagura,
n gudãkpakiinↄ gↄ̃ kaɛna nna.
8 Ma gbɛ̃nↄ kↄ̃n ma gbɛ̃nnanↄ yãnzi mɛ́ be,
Luda n gba aafia.
9 Dii wa Luda kpɛ́ yãnzi
mɛ́ à maaa wɛ́ɛ kɛnnɛ.