Luda yã takada kↄ̃n Bokobaru yão SAAMUNƆ 13

13

Wiipɛna Ludazi

Dauda lɛ̀.

1 Ai bↄrɛ, Dii?

Ma yã égↄ̃ sãangu gurↄ sãnda píngin yↄ́?

Nɛ́gↄ̃ mìkpɛɛ zuumɛ ai bↄrɛmɛ?

2 Mɛ́gↄ̃ kↄ̃dɛɛ kɛɛ kↄ̃n ma laasuunↄ ai bↄrɛmɛ?

Ma pↄↄ ègↄ̃ sia lán guu e dↄↄ nà,

ma ibɛɛ égↄ̃ gbãaa bleema ai bↄrɛmɛ?

3 Dii ma Luda, ǹ ma gwa nɛ́ ma yã ma,

ǹ ma uu weremɛ lɛ màton garo yãnzi,

4 lɛ ma ibɛɛ tón be a ma nɛro yãnzi,

lɛ ma zangurinↄ tón pↄnnaa kɛ ma funa yã musuro.

5 Mɛ́ɛ n gbɛ̃kɛ náanɛ kɛɛ,

ma pↄↄ kɛ̀ nna kɛ̀ n ma mì sì.

6 Mɛ́ lɛ̀ sí Diinɛ,

zaakɛ à yã maaa kɛ̀mɛ.