132
Dauda boriinↄↄ vɛ̃ɛna kpatan Zayↄn
Gana Yerusalɛmu lɛ̀.
1 Dii, ǹ tó Dauda yã gↄ̃ dↄngu
kↄ̃n nawɛ̃a kɛ̀ à kɛ̀nↄ píngi.
2 À la dà Diinɛ,
à lù sɛ̀ Yakubu Luda gbãadeenɛ à bè,
3 é gɛ̃ kpɛ́nlo,
é daɛ a gádoaro,
4 é we à igoba páro,
é tó ii na a wɛ́ɛnlo,
5 ai à gá guu eo Diinɛ
à kpɛ́ dↄ Yakubu Luda gbãadeenɛ.
6 Wa à baaru mà Ɛflata bùsun,
wa bↄa Yarimu bura.
7 Wà gá à kúkiia,
wà kúɛ à tinti aɛ.
8 Dii, ǹ fɛɛ ǹ su n pitakiia,
mpi kↄ̃n n ikokɛ àkpatio.
9 N gbã̀gbãrinↄ maakɛɛ da uta ũ,
n yãmarinↄ guda gↄ̃ dↄ.
10 Ǹton mìkpɛɛ zu kína kɛ̀ ń kànɛro
n zↄ̀bleri Dauda yãnzi.
11 Dii sì kↄ̃n a kuunao Daudanɛ,
à náanɛ vĩ, eé lɛ́ liɛro, à bè:
Mɛ́ n boriinↄ doke ká n kpatan.
12 Tó n boriinↄ ma bà kuunańyo yã dà,
tó aↄ̃ yã kɛ̀ má dàńnɛnↄ kũna,
aↄ̃ boriinↄ égↄ̃ vɛ̃ɛ n kpatan gurↄ píngi.
13 Zaakɛ Dii Zayↄn sɛ̀,
à yezi àgↄ̃ dɛ a vɛ̃ɛkii ũ, à bè:
14 Guu kɛ̀n mɛ́gↄ̃ kún gurↄ píngi,
gura kɛ̀n mɛ́gↄ̃ vɛ̃ɛnan, zaakɛ à ma pↄↄ gbàmɛ.
15 Mɛ́ aubarika dan maamaa,
mɛ́ pↄ́blee kpá à takaasideenↄa à mↄ́ḿma.
16 Mɛ́ mìsina da à sa'orinↄnɛ uta ũ,
ma yãmarinↄ guda égↄ̃ dↄ.
17 Gwen mɛ́ Dauda bori kína gbãadee bↄn,
gwen kína kɛ̀ má kà tɛ́ égↄ̃ dↄn.
18 Mɛ́ wí da à ibɛɛnↄa,
à kífura égↄ̃ tɛ́ kɛɛ à mìa.