146
Dii làakaridↄna wɛ̃ndadeenↄa
1 Aleluya!
Ma swɛ̃̀, ǹ Dii táaki lɛ́.
2 Mɛ́gↄ̃ Dii táaki lɛɛ ai ma wɛ̃̀ndi lɛ́n,
mɛ́gↄ̃ lɛ̀ sii ma Ludanɛ ai ma kuuna lɛ́n.
3 Àton náanɛ dↄ gbãadeenↄaro,
mìsina kú gbɛ̃ntee kiiaro.
4 Tó aↄ̃ wɛ̃̀ndi tà, aↄ̃è ɛara wà gɛ̃ bùsun,
zĩ beeean yã kɛ̀ aↄ̃ↄe pɛɛa è yãa.
5 Aubarikadeen gbɛ̃ kɛ̀ Yakubu Luda de à dↄnlɛri ũu ũ,
kɛ̀ à wɛ́ɛ dↄ Dii a Ludazi,
6 musu kↄ̃n tↄↄtɛo Kɛ̀ri,
ísia kↄ̃n pↄ́ kɛ̀ kú à guunↄ píngi.
Dii náanɛ vĩ gurↄ píngi,
7 è yã sí kↄ̃n gbɛ̃ kɛ̀ wèe gbãaa mↄↄńnɛnↄo,
è pↄ́blee kpá nↄadɛrinↄa.
Dii è bà poro gbɛ̃ kɛ̀ aↄ̃ↄ yinanↄa,
8 Dii è vĩ̀anↄ wɛ́ɛ wɛ̃ńnɛ,
Dii è gbɛ̃ kɛ̀ nawɛ̃a tↄ̃̀ḿmanↄ fɛɛ,
Dii ègↄ̃ ye gbɛ̃ maaanↄzi.
9 Dii è bↄ̀amↄnↄ gwa,
è ↄ da gyaanↄnↄa kↄ̃n tonɛnↄ,
mↄde è zɛ́ yãkↄ̃tɛ gbɛ̃ zaaanↄnɛ.
10 Dii ègↄ̃ kí blee gurↄ píngi,
Zayↄndeenↄ, a Luda ègↄ̃ kuu ai a boriia.
Aleluya!