41
Gyãree aduakɛna
Dauda lɛ̀.
1 Aubarikadeen gbɛ̃ kɛ̀ è gbãasaide yã daa ũ,
Dii è à bↄ nawɛ̃akɛgurↄ.
2 Dii é à dãkpa à à gba wɛ̃̀ndi gbã̀a,
eé aubarika dan a bùsun,
eé à na à ibɛɛnↄ ↄzĩ aↄ̃ ń pↄyezi kɛaro.
3 Dii é à dãkpa à gyãpɛa,
eé tó à a gyãa pì ble.
4 Ma bè: Dii, ma durun kɛ̀nnɛ,
ǹ ma wɛ̃nda gwa ǹ ma gba aafia.
5 Ma ibɛɛnↄ è ma kpákpa gaao wà be:
Bↄrɛn eé ga lɛ à tↄ́ kaatɛɛ?
6 Tó aↄ̃ mↄ̀ ma gwa,
ɛgɛyãn aↄ̃è omɛ,
aↄ̃è baaru zaaa wɛtɛ ma yã musu,
ben aↄ̃è fɛɛ wà gá wàgↄ̃ yã pì fãa bàazi.
7 Ma zangurinↄ è ma kpákpa à zaaao,
aↄ̃ píngi aↄ̃è àisi zaaa kpámazi wà be:
8 Gagyãa bé à à lè,
eé fɛɛ a daɛkiia dↄro.
9 Baa ma gbɛ̃nna kɛ̀ ma à náanɛ kɛ̀,
kɛ̀ weè ↄ kakↄ̃a ta dↄ̃nkↄ̃ guu bↄ̀ ma kpɛɛ.
10 Mmↄn sↄ̃ Dii, ǹ ma wɛ̃nda gwa,
ǹ ma gba aafia lɛ mà fĩa bońnɛ.
11 Tó ma ibɛɛnↄↄ e ma yↄ̃̀gↄ̃ kɛmaro,
mɛ́gↄ̃ dↄ̃ sa kɛ̀ ma yã kànnɛ.
12 Ń ma kũna ma nↄ̀sɛ maaa yãnzi,
ń tò màgↄ̃ kú n aɛzĩ gurↄ píngi.
13 Aubarikade Dii, Isarailinↄ Luda
zaa káaku ai gurↄ píngi!
Aami! Aami!
TAKADA PLAADEE
Saamu 42-72