Luda yã takada kↄ̃n Bokobaru yão SAAMUNƆ 8

Luda gakui yã'ona

Dauda lɛ̀.

1 Dii wa Dii, n tↄ́ bↄna anduna gu píngia,

n gakui bↄna gupuraaa musu.

2 Ń dà nɛ́ fétenↄnɛ kↄ̃n nɛ́kpãntɛ̃nↄ aↄ̃ n sáabu kpá

lɛ n ibɛɛnↄ kↄ̃n n zanguri gɛ̃ɛbommarinↄ yĩtɛ.

3 Kɛ̀ ma n zĩi gwà musu,

mↄvura kↄ̃n sↄsↄnɛ kɛ̀ ń pɛ̀pɛ gweenↄ,

4 ma bè bↄ́n gbɛ̃ntee ũ kɛ̀ à yã ègↄ̃ dↄnguu?

Bↄ́n à ũ kɛ̀ nɛɛ̀ làakari dↄa?

5 N à kɛ̀ kɛ̃sãna malaikanↄzi féte,

n à kà kín kↄ̃n gakuio kↄ̃n bɛ̀ɛo.

6 Ń tò à kí blè pↄ́ kɛ̀ ń kɛ̀nↄa,

ń tò pↄ́ sãnda píngi mì sìɛnɛ,

7 sãanↄ kↄ̃n zùnↄ kↄ̃n nↄ̀bↄsɛ̃tɛnↄ píngi,

8 bãanↄ kↄ̃n kpↄ̀nↄ kↄ̃n pↄ́ kɛ̀ kú ísiaannↄo.

9 Dii wa Dii, n tↄ́ bↄna anduna guu píngi.