98
Dii mↄna táakilɛna
1 À lɛ̀ dufu sí Diinɛ,
zaakɛ à yãbↄnsaɛnↄ kɛ̀,
à zĩ̀ blè kↄ̃n a ↄplaa kɛ̀ kú adona gbãaao.
2 Dii tò wà a mìsina dↄ̃̀,
à a maakɛna ↄ̀dↄa boriinↄnɛ.
3 Gbɛ̃kɛ kↄ̃n náanɛ kɛ̀ à vĩ kↄ̃n Isarailinↄo dↄ̀n,
andunalɛzɛkideenↄ wa Luda mìsina è ń píngi.
4 Anduna píngi, à pↄnna wii pɛ́ Diinɛ,
à gudakɛna kakↄ̃n.
5 À mↄrↄlɛna ↄ́ dↄ Diinɛ,
à mↄrↄ lɛ́nɛ kↄ̃n lɛ̀sinao
6 kↄ̃n kãkãkipɛnao kↄ̃n kuru'ↄo.
À pↄnna wii pɛ́ Dii wa Kínanɛ.
7 Ísia kↄ̃n pↄ́ kɛ̀ kúnnↄ kĩi kɛ,
anduna kↄ̃n gbɛ̃ kɛ̀ aↄ̃ↄ kúnnↄ ń píngi.
8 Swaanↄ ↄpa lɛ́ Dii aɛ,
kpiiinↄ guda kɛ lɛdolɛ,
9 zaakɛ èe mↄↄ yãkpaɛ kɛ tↄↄtɛmɛ.
Eé yãkpaɛ kɛ kↄ̃n andunao a zɛ́a,
eé yã gↄ̃gↄ̃ gbɛ̃nↄnɛ kↄ̃n yãpuraao.