36
Iso yana tubudelideli
1 Taidei anafaiweya Iso, kaduwe ivewagana Idomu, ani yana tubudelideli ifuifufudi.
2 Iso vavinenavo aditoto meKenani vevine ginagidi. Ineinagona adiyegana Eida, Eloni natuna vavine Itaiti unumina wagaine-deya. Vavinena ineimuli adiyegana Oolibama, Ena natuna vavine, Sibioni tubuna banae Aibaiti unumina wagaine-deya.
3 Ada kaduwe vavinena anaveto adiyegana Basimata, Isimeli natuna vavine aku Nebaiota novuna.
4 Ada Eida ani Iso natuna kaliva seyana ivenatunena anayegana Ilaifasi, aku Basimata Luweli ivenatunena.
5 Ada kaduwe Oolibama natudiyavo ivenatunedi ani Yeusi ke Yelama ada Kola. Taidei Iso natunavo kaliva badi itubuga Kenani wagaine.
6 Ada Iso vavinenavo ke natunavo giabidi ada kaduwe kaliva matatabudi badi gavega bana nodi yana ebageya imiyamiya ani givagauledi. Ada yana kevakevayavo ke yana giba matatabuna ginuwagadi Kenani wagaine ani givaidi ada giawala ginau fafali atuwada taina Iyakobo wagaine-deya.
7 Iso ke Iyakobo keke adifata adiselu ina miyaluga faina yadi kevakevamomo ivemoyai-mowa, ada fafali-nai wagaine imiyamiya ani keke anafaiweya.
8 E ada Iso, kaduwe ivewagana Idomu, gina gimiya Seila anafafali oyaoyana wagaine.
9 Ada taidei anafaiweya Iso banae meIdomu tamadi nagona ani yana tubudelideli ifuifufudi, badiyavo imiyamiya Seila anafafali oyaoyana wagaine.
10 Iso natunavo kaliva taidei anafaiweya adiyegana:
Ilaifasi, banae Iso vavinena Eida natudi,
ada Luweli ani Iso vavinena Basimata natudi.
11 Ada Ilaifasi natunavo kaliva:
Timeni, Omeli, Sefo, Getemu ada Kenasi.
12 Ada Iso natuna Ilaifasi wayana togugai vavine
adiyegana Timina, ani badi Ilaifasi natuna kaliva
ivetubuna anayegana Amaleki. Taidei biyavo-dina
badi Iso vavinena Eida tubudiyavo.
13 Taidei Luweli natunavo kaliva:
Neadi, Sila, Sama ada Misa. Taidei biyavo-dina
badi Iso vavinena Basimata tubudiyavo.
14 Ada Iso vavinena anaveto adiyegana Oolibama,
badi Ena natuna vavine aku Sibioni tubuna
ani natudiyavo kaliva aditoto ivetubudi:
Yeusi, Yelama ada Kola.
15 Taidei biyavo-dina badi kaiwabuyavo Iso yana tubudelideliyavo wagaidiya:
Iso natuna tomoinagona Ilaifasi, ani Ilaifasi natunavo kaliva badiyavo:
Temani, Omali, Sefo ke Kenasi, badi unuma
aditonagonayavo.
16 Ada kaduwe Kola, Gatamu
ke Amaleki. Taidei badi kaiwabu-dina ani iyegemo
Ilaifasi wagaine-deya ada itubudelideli
giobu ginau, taidei biyavo-dina ani badi
Eida tubudiyavo kaliva fafali Idomu wagaine.
17 Iso natuna kaliva Luweli, ani Luweli natunavo kaliva badiyavo:
Nata, Sela, Sama ke Misa. Badi taidei kaiwabu-dina
iyegemona Luweli wagaine-deya, fafali Idomu wagaine.
Taidei biyavo-dina ani Iso vavinena Basimata tubudiyavo.
18 Iso vavinena Oolibama ani badi natudiyavo kaliva ivetubudi badi kaiwabuyavo adiyegana taidei anafaiweya:
Yeusi, Yelama ada Kola. Taidei badi kaiwabuyavo-dina
ani Iso vavinena Oolibama badi Ena natuna,
e ani badi wagaidiya-deya itubudelideli-ku giobu.
19 Taidei biyavo-dina badi Iso, kaduwe ivewagana Idomu, ani natunavo ada badiyavo yadi kaiwabuyavo.
Seila yana tubudelideliyavo ifuifufudi
20-21 Muliya-yo Iso ginau fafali Idomu wagaine, aku kaliva nagona wadedeku imiyamiya badiyavo Seila yana tubudelidelimomo badi adiunuma ivewagana Olite. Ada Olite unuma tamadiyavo nagona ani
Lotani, Sobali, Sibioni, Ena, Daisoni, Eseli ke Daisani.
Badiyavo Seila natunavo.
22 Ada Lotani natunavo kaliva ani Oli ke Omami.
Ada Lotani novuna adiyegana Timina.
23 Sobali natunavo kaliva tainei:
Alivani, Manaadi, Ebeli, Sefo ke Onami.
24 Sibioni natunavo kaliva adiselu,
Aia ke Ena. Bana Ena-nai ani tamana Sibioni yana
donikiyavo giitaitaveyabidi makama kavovona
wagaine aku gufa ginaginana ginuwagana.
25 Ena natunavo adiselu:
natuna kaliva anayegana Daisoni ada vavine
anayegana Oolibama.
26 Ada Daisoni natunavo ani
Emidani, Esibani, Italani ke Kelani.
27 Eseli natunavo aditoto
Bilani, Saavani ke Eikani.
28 Daisani natunavo adiselu
Usa ke Alani.
29 Taidei biyavo-dina Olite unuma yadi kaiwabuyavo:
badiyavo Lotani, Sobali, Sibioni, Ena,
30 Daisoni, Eseli
ada Daisani. Taidei badiyavo ani meOlite yadi kaiwabuyavo,
ada imiyamiya yadi ebaveimeya wagaidiya
fafali Seila wagaine.
Idomu anatoveimeyayavo
31 Taidei kini-dina badi ivetoveimeya fafali Idomu wagaine, muliya-yo meIsileli yadi kini iveimeya:
32 Beoli natuna kaliva Bela givekini Idomu wagaine e ada yana melala lakaina ivewagana Dinaba.
33 Tova-nai Bela gialika, muline Sela kwanaBosala ani
natuna Yobabi fatana givekini.
34 Ada tova-nai Yobabi gialika, fatana Usami givekini.
Bana kaliva-nai meTemani wagaidiya-deya.
35 Ada Usami gialika muline Bedadi natuna kaliva Adadi givekini,
ani bana ginau fafali Mowabi wagaine meMidiani
nodi ilugaviya ada gitoyogisegedi. Ani bana yana
melala lakaina ivewagana anayegana Aviti.
36 Ada Adadi gialika muline Semula kwanaMasileka ani
fatana givekini.
37 Ada Semula gialika, muline Saulo fatana givekini.
Bana kaliva-nai Lioboti wagaine-deya, Lioboti
melala-nai Yufeleitisi gufa afaine.
38 Ada tova-nai Saulo gialika, muline Akiboli natuna
kaliva Bealanani ani fatana givekini.
39 Ada Akiboli natuna Bealanani gialika, muline Adadi
givekini. Yana melala lakaina ivewagana Pau,
ada vavinena adiyegana Meetabela, Matiledi natudi
vavine, badi Mesaabi natudi vavine.
40 Taidei biyavo-dina badi kaiwabuyavo Iso wagaine itubudelideli giobu, ada seyana seyana anayegana anafaiweya anaunuma ada kaduwe yana ebaveimeya. Taidei anafaiweya adiyegana:
Timina, Alivani, Yededa,
41 Oolibama, Ela, Pinoni,
42 Kenasi, Temani, Mibisali,
43 Magidieli ada Ilami.
Taidei badiyavo Idomu anakaiwabumomo, adiyegana
anafaiweya ivemelala fafali Idomu wagaine.
Iso banae meIdomu tamadi nagona.